° °

આજનું ઇ-પેપર
Tuesday, 31 January, 2023


મને હાઇપરટેન્શન છે એની કેમ ખબર પડે?

15 August, 2022 12:05 PM IST | Mumbai
Dr. Sushil Shah

શું મારે હવે બીપીની દવા ચાલુ કરવી જોઈએ? મને એ જણાવો કે હાઈ બીપી હોવાનાં લક્ષણો શું હોય? જો બીપી હોય અને દવા ન લઈએ તો શું થાય? આમ તો હું વધારાનું મીઠું લેતો નથી.

પ્રતીકાત્મક તસવીર સૌજન્ય : આઇસ્ટૉક ઓ.પી.ડી.

પ્રતીકાત્મક તસવીર સૌજન્ય : આઇસ્ટૉક

મારી ઉંમર ૫૪ વર્ષ છે. આમ તો મને હાઇપરટેન્શન નથી, પણ છેલ્લા થોડાઘણા દિવસથી ઘરમાં વસાવેલા ઇલેક્ટ્રૉનિક ડિવાઇસ વડે બીપી માપતાં સિસ્ટોલિક ૧૪૫થી ૧૫૦ અને ડાયસ્ટોલિક ૯૮થી ૧૩૫ સુધી આવે છે. તો શું હવે મને બીપી રહેવા લાગ્યું છે? શું મારે હવે બીપીની દવા ચાલુ કરવી જોઈએ? મને એ જણાવો કે હાઈ બીપી હોવાનાં લક્ષણો શું હોય? જો બીપી હોય અને દવા ન લઈએ તો શું થાય? આમ તો હું વધારાનું મીઠું લેતો નથી. ચાઇનીઝ ફૂડ કે બહારનું ફૂડ પણ ખાતો નથી. તો શું હમણાં થોડાક દિવસ મીઠું સાવ ઓછું કરીને ટ્રાય કરી જોઉં? 

તમારાં રીડિંગ્સ કહે છે કે તમને હાઇપરટેન્શન છે. આ રીડિંગ્સ નૉર્મલ નથી જ. જો તમારું સિસ્ટોલિક ૧૩૦થી ૧૩૯ની વચ્ચે છે અને ડાયસ્ટોલિક ૮૦થી ૮૯ વચ્ચે છે તો તમને હાઇપરટેન્શન છે. વળી આ રીડિંગ એક જ વાર આવે તો માની શકાય કે થોડું સ્ટ્રેસ થઈ ગયું હશે એટલે આવું રીડિંગ આવ્યું છે. તમે સતત ચાર-પાંચ દિવસ જુદા-જુદા સમયે આ રીડિંગ લો અને બધાં રીડિંગ્સ નોંધો. તમારો પ્રશ્ન જોતાં મને લાગે છે કે એ તમે કરી ચૂક્યા છો. ૧૪૫થી ૧૫૦ સુધીમાં જે રીડિંગ્સ આવે છે એ ઘણાં વધારે છે, જેમાં દવાની જરૂરિયાત છે જ. 
હાઇપરટેન્શન એક એવો રોગ છે જેનાં કોઈ લક્ષણો છે જ નહીં. એટલે જ એને સાઇલન્ટ કિલર કહે છે. જ્યારે તમે માપો ત્યારે જ ખબર પડે કે તમને હાઇપરટેન્શન છે કે નહીં. તમે માપ્યું એ સારું થયું, પરંતુ હવે દવા લેવામાં બિલકુલ ઢીલ કરવા જેવી નથી. વધારે મીઠું ખાવાથી જ હાઇપરટેન્શન થાય એવું નથી, પરંતુ મીઠું ઓછું કરવાથી ફાયદો તો થશે જ. ચાઇનીઝ અને બહારનું ફૂડ નથી ખાતા એ પણ સારી બાબત છે, પરંતુ આ બધા લાઇફસ્ટાઇલ સંબંધિત ફેરફારોથી હાઇપરટેન્શન એકદમ ઠીક થઈ જાય એવું નથી. એનાથી એને કાબૂમાં રાખી શકાય છે. દવાઓ તો લેવી જ પડે છે અને લેવી જ જોઈએ. નહીંતર હાઇપરટેન્શનને કારણે લોહીની નળીઓ પર સીધી અસર થાય છે. એને લીધે રેટિના, કિડની, હાર્ટ કે મગજ જેવાં અંગો અસરગ્રસ્ત થઈ શકે છે. ઘણા ઘાતક રોગો જેમ કે હાર્ટ-અટૅક કે બ્રેઇન સ્ટ્રોક માટે એ જવાબદાર બને છે. એને કારણે વ્યક્તિનું અંગ ફેલ પણ થઈ શકે છે. હાઇપરટેન્શન આવે એટલે દવાની છોછ રાખવાની જરૂર નથી. દવા તમને ભવિષ્યમાં હાઇપરટેન્શનને કારણે આવતી તકલીફોથી બચાવશે. એટલે એ તાત્કાલિક શરૂ કરો. 

15 August, 2022 12:05 PM IST | Mumbai | Dr. Sushil Shah

અન્ય લેખો

હેલ્થ ટિપ્સ

પિરિયડ્સ સમયે ૩-૪ દિવસ આંખમાં કશુંક ખટકે છે

આંખનાં આંસુ સુકાઈ જાય એ આંખની હેલ્થ માટે સારું નથી.

31 January, 2023 05:24 IST | Mumbai | Dr. Himanshu Mehta
હેલ્થ ટિપ્સ

છેલ્લા એકાદ વર્ષથી મને ખૂબ પરસેવો વળે છે

જો તમને થાઇરૉઇડ હોય કે ડાયાબિટીઝ હોય તો પણ આ થવાની શક્યતા છે.

30 January, 2023 04:18 IST | Mumbai | Dr. Batul Patel
હેલ્થ ટિપ્સ

હાર્ટ અટૅક પછી પેટ પર ન સૂઈ શકાય?

રાતે કશું થાય તો એ પણ રિસ્ક વધારે છે, પરંતુ મોટા ભાગે હાર્ટના દરદીઓ ઊંધા સૂઈ નથી શકતા, કારણ કે જેવા એમનાં ફેફસાં ભીંસાય અને શ્વાસની તકલીફ થાય કે તરત જ તેમને ગભરામણ થાય છે અને સીધા થઈ જવું પડે છે

25 January, 2023 05:21 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK