° °

આજનું ઇ-પેપર
Thursday, 08 December, 2022


ઍન્કિલોઝિંગ સ્પૉન્ડિલોસિસમાં મારી એક્સરસાઇઝના કલાકો હું ઘટાડી શકું કે નહીં?

26 September, 2022 04:59 PM IST | Mumbai
Gujarati Mid-day Correspondent | feedbackgmd@mid-day.com

તમે એક્સરસાઇઝ ઓછી કરશો તો બધું અકળાઈ જ જશે, એમ માનવાની જરૂર નથી

પ્રતીકાત્મક તસવીર (સૌજન્ય : આઇસ્ટૉક) ઓ.પી.ડી.

પ્રતીકાત્મક તસવીર (સૌજન્ય : આઇસ્ટૉક)

૫૬ વર્ષનો છું. છેલ્લાં ૨૫-૩૦ વર્ષથી મને ઍન્કિલોઝિંગ સ્પૉન્ડિલોસિસ છે. ટ્રીટમેન્ટ ચાલુ છે, પરંતુ સ્નાયુઓ જકડાઈ જવાની સમસ્યા ઘણી વધુ રહે છે. દવાઓની સાથે મને એક્સરસાઇઝથી ઘણો ફરક છે. સ્નાયુઓની જકડન એક્સરસાઇઝથી જ ઠીક થાય છે. કમર અને પીઠની એક્સરસાઇઝ જ એક કલાકની છે. એ ઉપરાંત સવારે એક કલાક અને સાંજે એક કલાક એમ દિવસના બે કલાક હું સ્વિમિંગ કરું છે. દિવસના લગભગ ૩-૪ કલાક એક્સરસાઇઝમાં જતા રહે છે. પહેલાં તો હું આ સમય કાઢી શકતો, પરંતુ હવે થોડો થાક લાગે છે. શું આખું જીવન આટલા કલાક એક્સરસાઇઝ કરવી જ પડશે? 

ઍન્કિલોસિંગ સ્પૉન્ડિલોસિસ છે, ખાસ કરીને કરોડરજ્જુને અસર કરે છે એટલે એને બામ્બુ સ્પાઇન પણ કહે છે. આ એક જિનેટિક પ્રૉબ્લેમ છે, જેને લીધે વ્યક્તિ ટટ્ટાર રહી શકતી નથી. આ રોગમાં દવા સાથે એક્સરસાઇઝ કે રીહૅબિલિટેશન અત્યંત મહત્ત્વનાં છે. એ કરવા જ જોઈએ અને તમે કરો છો એ આનંદની વાત છે. સૌથી પહેલી વાત તો એ કે તમે જે કમર અને પીઠની એક્સરસાઇઝ કરો છો એ કદાચ તમને તમારા ફિઝિયોએ દેખાડેલા સ્ટ્રેચ હશે, એમ હું માનું છું. એ ક્યારેય છોડવા નહીં. હા, એમાં તમારો એકાદ કલાક જતો હશે, પણ એ તમારા સ્નાયુઓ જે જકડાઈ જાય છે એના માટે ફાયદાકારક છે. આ સિવાય જો તમે વેઇટ ઉપાડતા હો કે જિમમાં એક્સરસાઇઝ કરતા હો તો એ ખોટું છે, એ ન જ કરવી. ૨-૫ કિલો વજનની ટ્રેઇનિંગ હજી પણ નિષ્ણાતની હાજરીમાં કરી શકાય, પરંતુ એનાથી વધુ વજન તમારી સ્પાઇન માટે યોગ્ય નથી. 

બીજું તમે વર્ષોથી આ રૂટીનમાં છો અને એને કારણે જ નૉર્મલ લાઇફ પામી શક્યા છો, એ વાત સાચી, પણ હવે જેમ-જેમ ઉંમર વધશે તો શરીરની ક્ષમતા ઓછી થતી જશે. તમારા સ્નાયુઓની શક્તિ ઘટશે અને તમને થાક લાગવાનો જ છે માટે પહેલી વાત તો એ કે ડરો નહી. તમે એક્સરસાઇઝ ઓછી કરશો તો બધું અકળાઈ જ જશે, એમ માનવાની જરૂર નથી. ઊલટું કર્યા જ કરશો તો એક નહીં તો બીજી તકલીફ આવશે માટે ધીમે-ધીમે સ્વિમિંગનો સમય ઘટાડો. સ્ટ્રેચ છોડતા નહીં, એ જરૂરી છે, પણ શરીરને સંભાળવું પણ જરૂરી છે. એક્સરસાઇઝ કરવાની જ છે, પણ એટલી કે તમારું શરીર તમને પૂરતો સાથ આપે. આ વાત ભૂલતા નહીં. 

26 September, 2022 04:59 PM IST | Mumbai | Gujarati Mid-day Correspondent

અન્ય લેખો

હેલ્થ ટિપ્સ

પ્રેગ્નન્સી પ્લાન કરતાં પહેલાં કઈ-કઈ ટેસ્ટ કરાવવાની?

હકીકત એ છે કે પ્રેગ્નન્સી દરમ્યાન દાંતની કોઈ તકલીફ તમને આવે નહીં એનું ધ્યાન રાખવું.

06 December, 2022 04:39 IST | Mumbai | Dr. Suruchi Desai
હેલ્થ ટિપ્સ

મોઢામાંથી આવતી દુર્ગંધ દૂર કરવા શું કરવું?

રાતે સૂતી વખતે પણ વ્યવસ્થિત પાણી પીને સૂઓ એટલે આખી રાતમાં મોઢું વધારે ડ્રાય થાય નહીં

05 December, 2022 03:35 IST | Mumbai | Dr. Rajesh Kamdar
હેલ્થ ટિપ્સ

એક સંતાનને ઑટિઝમ હોય તો બીજાને થઈ શકે?

ઑટિઝમ જન્મથી જોવા મળતો ડિસઑર્ડર છે

02 December, 2022 04:58 IST | Mumbai | Dr. Pradnya Gadgil

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK