° °

આજનું ઇ-પેપર
Thursday, 30 June, 2022


બેસીને ઊભા થવા જતાં હું ફસડાઈ પડું છું, શું કરું?

18 May, 2022 12:07 PM IST | Mumbai
Dr. Sushil Shah

આખો દિવસ ઘરમાં એસીની ઠંડકમાં રહું છું, પરંતુ કાલે સાંજે પાર્કમાં ગયો હતો અને બેન્ચ પર બેઠા પછી ઘરે જવા ઊઠ્યો ત્યારે લગભગ ફસડાઈ જ પડ્યો. મને ખબર જ ન પડી કે શું થયું.

પ્રતીકાત્મક તસવીર ઓ.પી.ડી.

પ્રતીકાત્મક તસવીર

મારી ઉંમર ૬૨ વર્ષ છે અને મને હાલમાં જ હાઈ બ્લડ-પ્રેશરનું નિદાન થયું છે. બીટા બ્લૉકર મેડિસિન લેવાનું મેં બે અઠવાડિયાંથી શરૂ કર્યું છે. ત્રણ દિવસ પહેલાં હું જમીને ઊભો થવા ગયો ત્યારે મને એકદમ ચક્કર અવી ગયાં. મને થયું કે હમણાં ગરમી છે એટલે કદાચ એવું થયું હશે. એ પછી પાણી વ્યવસ્થિત પીવા લાગ્યો અને ગરમીમાં તો બહાર પણ નીકળતો નથી. આખો દિવસ ઘરમાં એસીની ઠંડકમાં રહું છું, પરંતુ કાલે સાંજે પાર્કમાં ગયો હતો અને બેન્ચ પર બેઠા પછી ઘરે જવા ઊઠ્યો ત્યારે લગભગ ફસડાઈ જ પડ્યો. મને ખબર જ ન પડી કે શું થયું.

તમે બેઠા હો અને ઊભા થવા જાઓ તો ક્યારેક ચક્કર આવી જાય એ એકાદ વાર થાય તો એને સામાન્ય ઘટના ગણી શકાય, પરંતુ ફરી-ફરીને થાય તો એ ચિંતાનું કારણ છે. તમારાં લક્ષણો જોતાં કહી શકાય કે તમને કદાચ પોશ્ચરલ હાઇપોટેન્શન હોઈ શકે છે, જેમાં વ્યક્તિ બેસીને ઊઠવા જાય ત્યારે તેને ચક્કર આવે અથવા તે પડી જાય એવું બનતું હોય છે. તમને જે હાલમાં હાયપરટેન્શનનું નિદાન થયું છે અને તમે જે દવા-બીટા બ્લૉકર લઈ રહ્યા છો એ કદાચ એનું કારણ હોઈ શકે છે. આ દવા હાઇપરટેન્શનની અત્યંત સામાન્ય દવા છે અને અસરકારક પણ છે, પરંતુ ઘણા લોકોને આ દવાથી પોશ્ચરલ હાઇપોટેન્શન થઈ શકે છે. 
હાઇપોટેન્શન એટલે બ્લડ-પ્રેશરનું ઘટવું. સામાન્ય રીતે મોટી ઉંમરે બેઠા હો અને અચાનક ઊભા થાઓ ત્યારે આ સમસ્યા થઈ શકે છે. આ એક એવું લક્ષણ છે જેની પાછળ આમ તો ઘણી જુદી-જુદી તકલીફ હોઈ શકે છે. તમારે તરત તમારા ડૉક્ટરને મળીને ચેક-અપ કરાવવું જરૂરી છે, જેમાં ડૉક્ટર સૂતાં-સૂતાં, બેઠાં-બેઠાં અને ઊભાં-ઊભાં એમ ત્રણેય પોઝિશનમાં તમારું બ્લડ-પ્રેશર ચેક કરશે, જેના દ્વારા તેમને સમજાશે કે શું તકલીફ છે. જો તમારું ઉપરનું પ્રેશર ૨૦ આંક અને નીચેનું પ્રેશર ૧૦ આંક જેટલું પણ ૩ મિનિટની અંદર ઘટી જાય તો તમને હાઇપોટેન્શન છે એટલે કે બ્લડ-પ્રેશર એકદમ નીચે જવાની સમસ્યા છે. આ સમસ્યા તમારી દવાને લીધે છે કે નહીં એ દવા બદલીને જાણી શકાય છે. તમે જાતે પણ આ ટેસ્ટ કરી શકો છો, પરંતુ જાતે કરવાની જરૂર નથી. એના કરતાં ડૉક્ટરને જ બતાવો, કારણ કે જો દવા બદલવી પડી તો તે તમને તપાસીને બદલી આપશે.

18 May, 2022 12:07 PM IST | Mumbai | Dr. Sushil Shah

અન્ય લેખો

હેલ્થ ટિપ્સ

પતિને ફરીથી કોવિડ થયો છે ત્યારે શું ધ્યાન રાખવું?

મારા પતિ ૬૮ વર્ષના છે અને તેમને દોઢ વર્ષ પહેલાં કોવિડ થયો હતો ત્યારે હૉસ્પિટલમાં તેઓ ૨૦ દિવસ રહ્યા હતા

29 June, 2022 08:18 IST | Mumbai | Dr. Sushil Shah
હેલ્થ ટિપ્સ

ઓવેરિયન રિઝર્વ ઓછું હોય તો શું કરવું?

મારા ડૉક્ટરના કહેવા મુજબ મારું ઓવેરિયન રિઝર્વ બૉર્ડરલાઇન પર છે. રિઝર્વ ઓછું હોવાનું કારણ શું? કોઈ રીતે એ વધારી શકાય? શું અમારે બાળક તાત્કાલિક પ્લાન કરવું જ પડશે?

28 June, 2022 03:04 IST | Mumbai | Dr. Suruchi Desai
હેલ્થ ટિપ્સ

અડધી રાતે માથું દુખે છે. શું કરું?

મારી આંખો પણ આજકાલ ખૂબ લાલ રહે છે અને એમાંથી સતત પાણી નીકળ્યા કરે છે. જે ઇલાજ ગયા વર્ષે કર્યો હતો એ જ દવાઓ હું અત્યારે લઈ રહ્યો છું, પણ કશી કામ લાગતી નથી. હું શું કરું? 

27 June, 2022 07:59 IST | Mumbai | Dr. Shirish Hastak

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK