° °

આજનું ઇ-પેપર
Saturday, 13 August, 2022


સ્વાદ સબર્બનો: મલાડ ઈસ્ટમાં મળતી આ ફ્રેન્કી તમે ટેસ્ટ કરી કે નહીં?

15 June, 2022 02:04 PM IST | Mumbai
Karan Negandhi | karan.negandhi@mid-day.com

મલાડ પૂર્વમાં સ્ટેશનની નજીકનો વિસ્તાર ખાણીપીણીની દૃષ્ટિએ ઘણો સમૃદ્ધ છે. દરેક ગલી ખાઉ ગલી સમી છે.

સ્વાદ સબર્બનો સ્વાદ સબર્બનો

સ્વાદ સબર્બનો

મુંબઈની ખાણીપીણીનો ખરો સ્વાદ માણવો હોય તો તેના માટે સ્ટ્રીટ ફૂડ સિવાય કદાચ જ કોઈ વિકલ્પ મળે. જોકેકેટલીક જૂની અને જાણીતી રેસ્ટોરાંએ પણ મુંબઈની ખાણીપીણીની સંસ્કૃતિ-સ્વાદ જાળવી રાખ્યા છે અને તેમનો ઇતિહાસ પણ અદ્ભુત તો ખરો જ. બહારગામથી આવનારાઓ માટે મુંબઈના પ્રવેશ દ્વારા સમા બોરીવલીના પાડોશી સ્ટેશન મલાડની આસપાસ ઘણી જગ્યાઓ છેજેમણે વર્ષોથી લોકોની પેટપૂજા કરી છે અને જીભના ચટકારાનું પણ ધ્યાન રાખ્યું છે. તો આવો જોઈએ મલાડ પૂર્વમાં આવેલી કેટલીક એવી જગ્યાઓ જ્યાં તમે પેટ અને મન ભરીને આ સબર્બનો સ્વાદ માણી શકો છો.

મલાડ પૂર્વમાં સ્ટેશનની નજીકનો વિસ્તાર ખાણીપીણીની દૃષ્ટિએ ઘણો સમૃદ્ધ છે. દરેક ગલી ખાઉ ગલી સમી છે એટલે પાણીપુરીથી છોલેપુરી અને સેન્ડવીચથી લઈને સૂપ અને જ્યુસ સુધી તમામ વિવિધ જાત-જાતની વાનગીઓ તમને અહીં મળી રહેશે, પરંતુ આજે અમે તમને એવી જગ્યા વિશે જણાવીશું જ્યાં તમારે અચૂક એક વખત તો જવું જ જોઈએ.

૧. સુરભી (Surbhi)

મલાડ સ્ટેશનની બહાર આવતા જ મેઇન રોડ શરૂ થશે ત્યાં પહેલું મોટું બોર્ડ તમને સુરભીનું દેખાશે. મુંબઈની સ્ટ્રીટ પર મળતી દરેક આઈટમ તમને આ એક જ જગ્યાએ મળી રહેશે, પરંતુ જો વિશેષતા પૂછો તો બટર/ચીઝ ગ્રીલ વડાપાવ. રેગ્યુલર પાવની જગ્યાએ બનમાં સ્પેશિયલ ચટણી સાથે મસાલેદાર વડાં અને બટરમાં ગ્રીલ થયા બાદ તેનો સ્વાદ ખરેખર બમણો લાગશે. ઉપરાંત સેઝવાન વડાપાવનો વિકલ્પ પણ મળી રહેશે. મીઠું મોઢું કરવું હોય તો અહીંની લસ્સી પણ ખૂબ વખણાય છે.

૨. હેલ્લો હાયડ્રેશન (Hello Hydration)

સુરભીથી આગળ વધી જમણી બાજુએ પહેલી ખાઉ ગલીમાં થોડાક ડગલાં માંડશો એટલે હેલ્લો હાયડ્રેશનનું ગ્રીન થીમવાળું બોર્ડ તમને દેખાઈ જશે. નામ પ્રમાણે જ તમને હાયડ્રેડ કરવા માટે અહીં જાત-જાતની ફલેફર્સની સોડા મળશે. નોર્મલ સોડા કરતાં કંઈક જુદું ટ્રાય કરવું હોય તો વર્જિન મોહિતો ટ્રાય કરી શકો છો. તેના ખાસ મસાલા અને ફૂદીનાની ફ્લેવર ખરેખર તેને ખાસ બનાવે છે. મોહિતોમાં પણ બીજા વિકલ્પ તમને મળશે.

૩. જય શ્રીરામ ફ્રેન્કી કોર્નર (Jay Shree Ram Frankie Corner)

પહેલી ખાઉ ગલીમાંથી બહાર આવશો એટલે એક ગલી છોડીને બીજી ગલીના કોર્નર પર જ તમને આ સ્ટોલ મળી જશે. ફ્રેન્કીની લગભગ દરેક વેરાયટી તમને અહીં મળશે. અમે ટ્રાય કરી ચીઝ ફ્રેન્કી. જોકે અસલી મજા તેની સ્પેશિયલ ચટણીની છે જે ફ્રેન્કીને ખરેખર એક યુનિક ફ્લેવર આપે છે અને તેનો ટેસ્ટ પણ લાંબો સમય સુધી મોઢામાં રહે છે. સાથે જ જો તમને ચાઇનીઝ ફ્લેવર ગમતી હોય તો તમે સેઝવાન ફ્રેન્કી પણ ટ્રાય કરી શકો છો.

15 June, 2022 02:04 PM IST | Mumbai | Karan Negandhi

અન્ય લેખો

ફૂડ એન્ડ રેસિપીઝ

કંઈક જમ્યાનો અનુભવ કરાવે છે ટાકો બેલ

અમેરિકામાં તમે મૅક્ડોનલ્ડ્સ કે બર્ગર કિંગમાં ખાઈ ન શકો, કારણ કે એ લોકો વેજ બર્ગરમાં પૅટીસ મૂકતા જ નથી. નકરાં ટમેટાં અને કાંદા નાખીને બર્ગર આપી દે, એ લુખ્ખું બર્ગર કેવી રીતે ગળે ઊતરે?

11 August, 2022 03:31 IST | Mumbai | Sanjay Goradia
ફૂડ એન્ડ રેસિપીઝ

Sunday Snacks: ગુરુકૃપાના છોલે સમોસાં જ નહીં આ આઇટમ પણ છે મસ્ટ ટ્રાય

આજે ટ્રાય કરો સાયનના ટેસ્ટી ભજિયાં છોલે સાથે

06 August, 2022 11:00 IST | Mumbai | Karan Negandhi
ફૂડ એન્ડ રેસિપીઝ

ઇન્ડિયા છોડતાં પહેલાંનો છેલ્લો સ્વાદ

ભવન્સ પાસે ઊભા રહેતા ભૈયાની ભેળ અને સેવપૂરીના સ્વાદ સાથે ઇન્ડિયા છોડ્યું હોય તો તમને એ સ્વાદ ઇન્ડિયાની સતત યાદ અપાવ્યા કરે

04 August, 2022 01:25 IST | Mumbai | Sanjay Goradia

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK