રેસિપી કૉન્ટેસ્ટ : મળી લો આજના વિનર્સને...

સામગ્રી 

સફેદ ઢોકળાં માટે : ૧ કપ ચોખા (કોઈ પણ), ૧/૪ કપ અડદની દાળ, ૧ મુઠ્ઠી પૌંઆ.

પીળાં ઢોકળાં માટે : ૧ કપ મગની દાળ, ૧/૪ કપ અડદની દાળ

સાલસા સૉસ માટે : ૪ નંગ ટમેટાં, ૪ નંગ ગ્રીન કૅપ્સિકમ, ૧ ચમચી ટમૅટો સૉસ, ૧ ચમચી લાલ મરચાં પાઉડર, તીખી ગ્રીન ચટણી.

રીત 

સફેદ અને પીળાં ઢોકળાંની સામગ્રી ૪ કલાક પલાળી લો. પછી સફેદ ઢોકળાંનું ખીરું વાટીને એક બાઉલમાં રાખો, પછી પીળાં ઢોકળાંનું ખીરું પણ વાટી રાખો. હવે સાલસા સૉસ બનાવી લઈએ. ટમેટાં અને શિમલાના નાના ટુકડા કરી લો. હવે થોડું તેલ મૂકી શિમલા સાંતળો પછી એમાં ટમેટાં ઉમેરો. ચઢવા આવે ત્યારે એમાં ટમૅટો સૉસ, મીઠું અને લાલ મરચું સ્વાદ પ્રમાણે નાખો. હવે સાલસા સૉસ પછી ગ્રીન ચટણી બનાવો. ચટણી તીખી અને ટેસ્ટી બનાવી એમાં ૧ ચમચી મેયોનીઝ નાખવું. બેસીલ પણ વાટવામાં નાખો. હવે આપણે નાના ગ્લાસ લઈએ. સફેદ ઢોકળાંના ખીરામાં મીઠું, આદું મરચાંની પેસ્ટ અને એક થાળીએ ૧ પૅકેટ ઇનો ઉમેરી સરસ હલાવી તૈયાર કરવું. એ જ રીતે પીળાં ઢોકળાંનું ખીરું તૈયાર કરવું. પછી નાના ગ્લાસમાં પીળાં ઢોકળાંનું ખીરું ૧ ચમચી જેટલું નાખવું (પીળાં ઢોકળાંમાં ચપટી‌ક હળદર નાખવી) પછી જેમ ઢોકળાં સ્ટીમ કરીએ એમ થાળીમાં જેટલા ગ્લાસ રહે એમ સ્ટીમ કરવા. પાંચ મિનિટ પછી એના પર ચટણી ચોપડી (૧ ચમચી) પછી સફેદ ઢોકળાંનું ખીરું ૧ ચમચી નાખવું અને ફરી સ્ટીમ કરવું. પાંચ મિનિટ પછી થાળી કાઢીને ૧ ચમચી સાલસા ચોપડવો. પછી ફરીથી એના પર પીળાં ઢોકળાંનું ખીરું નાખવું (૧ ચમચી). નાના ગ્લાસ ઉપર સુધી ભરાઈ જવા જોઈએ નહીં તો એક લેયર પાછી કરવી. હવે ઉપર કોથમીર નાખી ફરીથી સ્ટીમ કરવું. છેલ્લે થાળી કાઢી ઉપર ચીઝ ખમણીને નાખવું અને ઑરેગૅનો ચિલ્લો ફ્લેક્સ ભભરાવવા. સર્વ કરતી વખતે ૩ મિનિટ સ્ટીમ અથવા માઇક્રોવેવમાં ગરમ કરી સર્વ કરવું. ખૂબ સ્વાદિષ્ટ અને હેલ્ધી અને ટેસ્ટી ઢોકળાંને ગ્લાસમાં સર્વ કરી બધાને ખુશ કરવા.

ઇન્સ્ટન્ટ હેલ્ધી ઓટ‍્સ અપ્પમ

રુપલ ધર્મેન્દ્ર દેસાઇ

સામગ્રી  
૧ કપ રવો, ૧ કપ સફોલા ઓટ‍્સ, ૧/૪ કપ ફણગાવેલા મગ, ૧ ચમચી બાફેલા મકાઈના દાણા, ૧ ચમચી બાફેલા વટાણા, ૧ ચમચી શિંગદાણા, ૧ ચમચી લાલ-લીલાં અથવા પીળાં કૅપ્સિકમ, ૧ ચમચી ગાજર ઝીણું સમારેલું, ૨ ચમચી, કોથમીર, ૨ ચમચી પાલક સમારેલી, ૧ ચમચી ફુદીનો ઝીણો સમારેલો, ૧ ચમચી આદું મરચાં વાટેલાં, મીઠું સ્વાદ મુજબ, ખાટી છાશ.
વઘાર : ૨ ચમચી રાઈ, ૧ ચમચી અડદની દાળ, ૮થી ૧૦ 
પાન લીમડાનાં ઝીણાં સમારેલાં, ‌હિંગ.
રીત 
સૌપ્રથમ રવામાં ૧ ચમચી તેલ નાખી હાથથી મિક્સ કરી પાંચ મિનિટ રહેવા દેવું. પછી એમાં ઓટ‍્સ નાખી હલાવવું. ઉપર જણાવેલાં બધાં જ શાકભાજી એમાં નાખવાં. મીઠું, આદું-મરચાંની પેસ્ટ અને દોઢ કપ ખાટી (મીડિયમ) છાશ ઉમેરી ખીરું બનાવવું. પછી એમાં વઘાર રેડવો અને અને ૧ પૅકેટ બ્લુ ઇનો લઈ તરત જ હલાવવું. અપ્પમ પૅનમાં ઑઇલ લગાડી એમાં ૧ ચમચી ખીરું દરેકમાં નાખી ઢાંકણ ઢાંકીને પાંચ મિનિટ થવા દેવું. પછી ઉપર ફરીથી ઑઇલથી ગ્રીસ કરીને અપ્પમને બીજી બાજુ ફેરવવું. ચા, કૉફી, લીલી ચટણી અથવા સાઉથ ઇન્ડિયન લાલ ચટણી સાથે ખૂબ સારાં લાગે છે.