° °

આજનું ઇ-પેપર
Wednesday, 28 July, 2021


મૉડર્ન બ્રાઇડ્સ

21 September, 2012 05:23 AM IST |

મૉડર્ન બ્રાઇડ્સ

મૉડર્ન બ્રાઇડ્સ



બ્રાઇડલ ડિઝાઇન્સમાં અત્યારે રૉયલ કૉન્સેપ્ટ ઇન છે. ૧૨થી ૧૭ સપ્ટેમ્બર દરમ્યાન સાંતાક્રુઝની ગ્રૅન્ડ હયાત હોટેલમાં ચાલેલા આમ્બિ વૅલી ઇન્ડિયા બ્રાઇડલ ફૅશન-વીકમાં આ રૉયલ ડિઝાઇનો તો દેખાઈ, પણ એમાં મૉડર્ન ટચ ભરપૂર હતો. કલેક્શનમાં દેખાડવામાં આવેલા એક-એક પીસ હેરલૂમ કહી શકાય એવા એટલે કે એક જનરેશનથી બીજી જનરેશન પાસ કરી શકાય એવા હતા. આ ફૅશન-વીકમાં અંજલિ અને અજુર્ન કપૂર, આશિમા લીના, ફાલ્ગુની ઍન્ડ શેન પીકોક, જે. જે. વલાયા, મંદિરા વર્કિ, નરેન્દ્રકુમાર અહમદ, પલ્લવી જયકિશન, શાંતનુ ઍન્ડ નિખિલ, તરુણ તાહિલિયાની તેમ જ વિક્રમ ફડનીસ જેવા જાણીતા ડિઝાઇનરોએ પોતાનું કલેક્શન લૉન્ચ કર્યું હતું.

બધા જ ડિઝાઇનરોના કલેક્શનમાં હેવી બ્રાઇડલ એમ્બ્રોઇડરી કૉમન હતી. તરુણ તાહિલિયાનીના કલેક્શનમાં થોડી સોબર અને સૉફ્ટ ડિઝાઇનો જોવા મળી. ડિઝાઇનર પલ્લવી જયકિશને પોતાના કલેક્શનનું નામ ‘અશરફિયાં’ આપ્યું હતું, જેમાં મૉડર્ન પણ ક્લાસિક એવી ડિઝાઇનો પ્રેઝન્ટ કરવામાં આવી. બધા જ પીસમાં પલ્લવીની સિગ્નેચર સ્ટાઇલ જોવા મળી. આ ડિઝાઇનરના કલેક્શનમાં યલો અને ગોલ્ડનું કૉમ્બિનેશન જોવા મળ્યું જે ધીરે-ધીરે વધુ ડાર્ક શેડમાં ફેરવાતું ગયું. છેવટે પીચ અને રેડના શેડ્સ જોવા મળ્યાં.

ડિઝાઇનર વિક્રમ ફડનીસે છેલ્લાદિવસે પોતાનું સિગ્નેચર બ્રાઇડલ કલેક્શન પ્રેઝન્ટ કર્યું હતું જેમાં બૉલીવુડ ટચવાળા હેવી લેહંગાનો સમાવેશ હતો. શો-સ્ટૉપર હતી સોહા અલી ખાન જેનો હેવી લેહંગા ચોલીવાળો બ્રાઇડલ લુક લગ્નની સીઝનમાં હિટ રહેશે.

ફાલ્ગુની અને શેન પીકોક ઇન્ટરનૅશનલ સ્ટાર્સ માટે ડિઝાઇન કરવા માટે વધુ જાણીતાં છે. તેમનું કલેક્શન થોડું હટકે હોય છે. બ્રાઇડલ વીકના પાંચમા દિવસે આ જોડીએ વેડિંગ ગાઉન્સ અને સૉફ્ટ શેડની સાડીઓ પ્રેઝન્ટ કરી. શો-સ્ટૉપરમાં સારા જેન ડાયસ અને ઝરીન ખાન હતાં. આ કલેક્શનમાં થોડો પર્શિયન ટચ જોવા મળ્યો જેમાં હોલ્ટર નેક અને લેસની કિનારીવાળાં બ્લાઉઝો હતાં.

ડિઝાઇનર્સ આશિમા-લીનાના કલેક્શનમાં ગોલ્ડન શેડનો ખાસ વપરાશ હતો, જ્યારે જે. જે. વલાયાના કલેક્શનમાં વેલ્વેટનો ઉપયોગ ખાસ હતો. શો-સ્ટૉપર નર્ગિસ ફખરી માટે જે. જે. વલાયાએ ડીપ પર્પલ વેલ્વેટના લેયર્ડ ગાઉન પર હેવી ડલ ગોલ્ડ એમ્બþૉઇડરી કરાવી હતી.

જ્યોત્સ્ના તિવારીએ જે બ્રાઇડલ કલેક્શન પેશ કર્યું એમાં નેટનો વપરાશ ખાસ હતો તેમ જ આખા કલેક્શનમાં રેડ કલરનું વર્ચસ રહ્યું. ઘાઘરા-ચોલી સિવાય લાંબા કુરતાવાળા અનારકલી કુરતા પણ હતા. આ સિવાય પર્પલ અને બ્લુ જેવા રૉયલ શેડના સૅટિનના ડ્રેપ ગાઉન્સ પણ હતા જેનો લુક સાડી જેવો હતો.

ઓવરઑલ આ બ્રાઇડલ વીક બીજા

ફૅશન-વીક્સની જેમ ફક્ત જોવા માટેનું જ નહીં પરંતુ પ્રૅક્ટિકલી અપનાવી શકાય એવું હતું. ગોટા વર્ક, ડાયમન્ડ વર્ક, બ્રોકેડની હેવી લેસ વગેરે આવનારી વેડિંગ સીઝનમાં ચોક્કસ ચાલશે.

21 September, 2012 05:23 AM IST |

અન્ય લેખો

ફેશન ટિપ્સ

તમારી મેકઅપ કિટને રાખો વાઇરસ-ફ્રી

કોરોનાકાળમાં લાંબા સમયથી આઇલાઇનર, લિપસ્ટિક, કાજલ, કૉમ્પૅક્ટ જેવી પ્રોડક્ટ્સ વાપર્યા વિનાની પડી હોય તો ભવિષ્યમાં આ કૉસ્મેટિક્સના કારણે ત્વચાને થતા નુકસાનથી બચવા શું કરવું જોઈએ એ જાણી લો

27 July, 2021 07:13 IST | Mumbai | Varsha Chitaliya
ફેશન ટિપ્સ

સેલ્ફ-પ્રમોશનમાં વધુ પાવરધો છે આજનો પુરુષ

હાર્વર્ડનું એક રિસર્ચ કહે છે કે જૉબ હોય કે પર્ફોર્મન્સ રિવ્યુ કે નેટવર્કિંગ કરીઅર આગળ ધપાવવા માટે સેલ્ફ-પ્રમોશન ખૂબ જ જરૂરી બાબત છે જેમાં સ્ત્રીઓ કરતાં પુરુષો ઘણા આગળ નીકળેલા છે

26 July, 2021 11:36 IST | Mumbai | Jigisha Jain
ફેશન ટિપ્સ

બ્રૅન્ડની બોલબાલા

સોશ્યલ મીડિયા ઇન્ફ્લુઅન્સર યંગ જનરેશનમાં લક્ઝરી પ્રોડક્ટ્સ વાપરવાનો ક્રેઝ વધ્યો છે ત્યારે કેટલાક યુવાનોને મળીને જાણીએ કે તેઓ કેવી પ્રોડક્ટ્સ પાછળ ખર્ચ કરે છે તેમ જ મોંઘી વસ્તુઓની ખરીદી પાછળનું તેમનું લૉજિક શું છે

23 July, 2021 12:30 IST | Mumbai | Varsha Chitaliya

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK