° °

આજનું ઇ-પેપર
Monday, 02 August, 2021


ફ્લોરિંગ છે ઘરનો જરૂરી ભાગ

19 November, 2012 07:38 AM IST |

ફ્લોરિંગ છે ઘરનો જરૂરી ભાગ

ફ્લોરિંગ છે ઘરનો જરૂરી ભાગ



ફ્લોરિંગથી ઘરને કમ્પ્લીટ લુક મળે છે અને એ ખૂબ જ જરૂરી એવો ભાગ છે, કારણ કે જો ફર્નિચર તેમ જ બીજી ઍક્સેસરીઝ મૉડર્ન હોય; પરંતુ ફ્લોરિંગ સિમ્પલ રાખવામાં આવ્યું હોય તો એ ઘરમાં કોઈ કમી વર્તાય છે. પ્રોફેશનલ ડિઝાઇનરો હંમેશાં ફ્લોરિંગને વધુ ડિઝાઇનર અને બિઝી ન બનાવવાની સલાહ આપતા હોય છે, પરંતુ એનો અર્થ એ નથી કે એના પર ધ્યાન જ ન આપવામાં આવે. કિચન, બેડરૂમ અને લિવિંગ રૂમનું ફ્લોરિંગ એની યુટિલિટી પ્રમાણે જુદા-જુદા પ્રકારનું હોવું જોઈએ. તો જોઈએ ઇટાલિયન માર્બલ અને ગ્રેનાઇટ સિવાય ફ્લોરિંગમાં કેટલા ઑપ્શન પર ધ્યાન આપી શકાય.

હાર્ડવુડ ફ્લોરિંગ

આ ટાઇપનું ફ્લોરિંગ ખૂબ જૂના જમાનાથી ચાલી રહ્યું છે અને ખૂબ પૉપ્યુલર પણ છે, કારણ કે એની ઇફેક્ટ ખૂબ જ વિન્ટેજ સ્ટાઇલની આવે છે. વળી વુડન ફ્લોરિંગ કમ્ફર્ટેબલ અને હૂંફાળું લાગે છે. જોકે એ રૂમના વપરાશ અને ત્યાંના તાપમાનને ધ્યાનમાં રાખીને વુડન ફ્લોરિંગની પસંદગી કરી શકાય. વુડન ફ્લોરિંગમાં એક આખું પાટિયું અથવા નાના-નાના ટાઇલ્સના શેપના લાકડાના ટુકડાને સેટ કરી ફ્લોરિંગ બનાવી શકાય.

કાર્પેટ ફ્લોરિંગ


હજીયે કેટલાંક ઘરોમાં કાર્પેટ ફ્લોરિંગ જોવા મળે છે. આ ટાઇપના ફ્લોરિંગમાં વરાઇટી ઘણી મળી રહે છે અને સાથે એ અફૉર્ડેબલ પણ હોવાથી લોકો એને અપનાવે છે. કાર્પેટ ફ્લોરિંગમાં ઘણાં મટીરિયલ પણ મળી રહે છે. કેટલીક ડિઝાઇનો એક મોટી કાલીન બિછાવી હોય એવી લાગે છે. આ ઉપરાંત વુડન ફિનિશવાળી પણ કાર્પેટ મળે છે, જે દેખાવમાં વુડન ફ્લોરિંગની ફીલિંગ આપે.

ટાઇલ ફ્લોરિંગ

હાલમાં ખૂબ જ કૉમનલી જોવા મળતું ટાઇલ્સનું ફ્લોરિંગ વાપરવામાં આસાન છે, કારણ કે એને સાફ કરવું ઈઝી છે. ટાઇલ ફ્લોરિંગ માટે જુદા-જુદા રંગોની ટાઇલ્સનો ઉપયોગ કરીને ડિઝાઇન પણ બનાવવામાં આવે છે. ટાઇલ્સ જુદી-જુદી ગુણવત્તાની મળી રહેતી હોવાથી એ અફૉર્ડેબલ પણ રહે છે. આ ટાઇલ્સ જલદીથી ડૅમેજ પણ થતી નથી.

લૅમિનેટ ફ્લોરિંગ

લૅમિનેટ મેઇન્ટેન કરવામાં આસાન છે તેમ જ ખૂબ ટકાઉ પણ છે. લૅમિનેટ ફ્લોરિંગનો લુક આબેહૂબ હાર્ડવુડ ફ્લોરિંગ જેવો જ હોય છે. ફરક એ જ કે એના પર સ્ક્રેચ કે ડાઘ પડતા નથી. નાનાં બાળકો ઘરમાં હોય તો આ ફ્લોરિંગ બેસ્ટ રહેશે. જ્યાં વધુ અવરજવર રહેતી હોય એવા કિચન અને બાથરૂમમાં લૅમિનેટ ફ્લોરિંગ લગાવી શકાય.

વિનાયલ ફ્લોરિંગ

ઓછા ભાવમાં વધુ વરાઇટી મળતી હોવાને કારણે વિનાયલ ફ્લોરિંગ ખૂબ જ પ્રખ્યાત છે. વિનાયલ વૉટરપ્રૂફ હોવાને કારણે એનો વપરાશ ખાસ બને છે. સાથે-સાથે એ ટકાઉ પણ હોય છે એટલે ઑફિસ જેવી જગ્યાઓ પર આ ફ્લોરિંગ લગાવી શકાય. વિનાયલ ફ્લોરિંગ પરવડે એવા રેટમાં અટ્રૅક્ટિવ ફૉર્મમાં મળી રહે છે. વિનાયલમાં જુદાં-જુદાં ટેક્સચર, કલર અને ડિઝાઇન મળી રહે છે.

બામ્બુ ફ્લોરિંગ

આપણે ત્યાં ખૂબ જ ઓછું લોકપ્રિય એવું બામ્બુ ફ્લોરિંગ ઘરને યુનિક લુક આપે છે. બામ્બુ લાકડાનો નહીં, પરંતુ ઘાસનો એક પ્રકાર હોવાને લીધે આ ફ્લોરિંગ હાર્ડવુડ ફ્લોરિંગ કરતાં ખૂબ જ જુદો લુક આપે છે. જો ઘરને થોડો અનોખો લુક આપવો હોય તો આ ફ્લોરિંગ સ્ટાઇલિશ લાગે છે અને મૉડર્ન લુક પણ આપશે.

19 November, 2012 07:38 AM IST |

અન્ય લેખો

ફેશન ટિપ્સ

તમારી મેકઅપ કિટને રાખો વાઇરસ-ફ્રી

કોરોનાકાળમાં લાંબા સમયથી આઇલાઇનર, લિપસ્ટિક, કાજલ, કૉમ્પૅક્ટ જેવી પ્રોડક્ટ્સ વાપર્યા વિનાની પડી હોય તો ભવિષ્યમાં આ કૉસ્મેટિક્સના કારણે ત્વચાને થતા નુકસાનથી બચવા શું કરવું જોઈએ એ જાણી લો

27 July, 2021 07:13 IST | Mumbai | Varsha Chitaliya
ફેશન ટિપ્સ

સેલ્ફ-પ્રમોશનમાં વધુ પાવરધો છે આજનો પુરુષ

હાર્વર્ડનું એક રિસર્ચ કહે છે કે જૉબ હોય કે પર્ફોર્મન્સ રિવ્યુ કે નેટવર્કિંગ કરીઅર આગળ ધપાવવા માટે સેલ્ફ-પ્રમોશન ખૂબ જ જરૂરી બાબત છે જેમાં સ્ત્રીઓ કરતાં પુરુષો ઘણા આગળ નીકળેલા છે

26 July, 2021 11:36 IST | Mumbai | Jigisha Jain
ફેશન ટિપ્સ

બ્રૅન્ડની બોલબાલા

સોશ્યલ મીડિયા ઇન્ફ્લુઅન્સર યંગ જનરેશનમાં લક્ઝરી પ્રોડક્ટ્સ વાપરવાનો ક્રેઝ વધ્યો છે ત્યારે કેટલાક યુવાનોને મળીને જાણીએ કે તેઓ કેવી પ્રોડક્ટ્સ પાછળ ખર્ચ કરે છે તેમ જ મોંઘી વસ્તુઓની ખરીદી પાછળનું તેમનું લૉજિક શું છે

23 July, 2021 12:30 IST | Mumbai | Varsha Chitaliya

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK