° °

આજનું ઇ-પેપર
Tuesday, 15 June, 2021


બ્લૅક, બ્લુ અને ગ્રીન નેઇલ પૉલિશ લગાવો છો? તો આ જરૂર વાંચજો

11 May, 2021 12:15 PM IST | Mumbai | Sejal Patel

‘જો નખ પર કોઈ પણ પ્રકારનું કેમિકલનું આવરણ હોય તો એનાથી પલ્સ ઑક્સિમીટરમાંથી નીકળતાં લાઇટ્સનાં તરંગોને નેઇલ બેડ સુધી પહોંચવામાં મુશ્કેલી પડે છે અને બની શકે કે તમને સાચું રીડિંગ ન મળે. ’

બ્લૅક, બ્લુ અને ગ્રીન નેઇલ પૉલિશ લગાવો છો? તો આ જરૂર વાંચજો

બ્લૅક, બ્લુ અને ગ્રીન નેઇલ પૉલિશ લગાવો છો? તો આ જરૂર વાંચજો

હજી ગયા અઠવાડિયે ગુડગાંવના એક ફિઝિશ્યને ટ્વિટ કર્યું હતું જે મહિલાઓએ બહુ ધ્યાન દઈને વાંચવા જેવું છે. તેમણે લેડીઝને આ સમયગાળા દરમ્યાન નેઇન પૉલીશ, નેઇલ આર્ટ કે આર્ટિફિશ્યલ નેઇલ એક્સ્ટેશન જેવી ફૅશન ટાળવાનું કહ્યું હતું. કારણ એ જ એના કારણે તમે ઘરમાં વસાવેલું પલ્સ ઑક્સિમીટર ગોટે ચડી જાય છે અને ઘણી વાર સાચું રીડિંગ નથી આપતું. નખ પરના નકલી આવરણને કારણે પલ્સ ઑક્સિમીટરને લોહીમાંનું ઑક્સિજન કૉન્સન્ટ્રેશન માપવાની એક્યુરસી જળવાતી નથી અને વગર કારણે ઓછું રીડિંગ આવતાં પૅનિક ક્રીએટ થઈ શકે છે. 
જરાક સમજીએ કે આ વાતમાં ખરેખર સાચી છે કે કેમ? તો એ માટે પહેલાં ઑક્સિમીટર કઈ રીતે કામ કરે છે એ સમજવું પડે. ઑક્સિમીટર તમારા નેઇલ બેડમાં રહેલા લોહીમાં કેટલું ઑક્સિજનેટેડ અને ડીઑક્સિજનેટેડ હીમોગ્લોબિન છે એ તપાસે છે. એ માટે બે પ્રકારની લંબાઈવાળા તરંગો પલ્સ ઑક્સિમીટરમાંથી નીકળીને નખની અંદર જાય છે અને ઑક્સિજન લેવલ તપાસે છે. નેઇલ પૉલિશથી આ તપાસમાં અડચણ આવે છે એમ સમજવાતાં વૉકહાર્ટ  અને સૈફી હૉસ્પિટલના ચેસ્ટ ફિઝિશ્યન ડૉ. સુશીલ જૈન કહે છે, ‘જો નખ પર કોઈ પણ પ્રકારનું કેમિકલનું આવરણ હોય તો એનાથી પલ્સ ઑક્સિમીટરમાંથી નીકળતાં લાઇટ્સનાં તરંગોને નેઇલ બેડ સુધી પહોંચવામાં મુશ્કેલી પડે છે અને બની શકે કે તમને સાચું રીડિંગ ન મળે. ’
ડાર્ક રંગની નેઇન પૉલિશ
અમેરિકાની ઇન્ટેન્સિવ અને ક્રિ ટિકલ કૅર નર્સિંગની જનરલમાં છપાયેલા અભ્યાસ મુજબ પલ્સ ઑક્સિમીટરના રીડિંગ પર નેઇલ પેઇન્ટની કેવી આડઅસર થાય છે માટે ૪૦ હેલ્ધી મહિલાઓ પર પ્રયોગ કરવામાં આવેલો. દરેક મહિલાને ડાર્ક, લાઇટ અને ટ્રાન્સપરન્ટ રંગોવાળી નેઇલ પૉલિશ લગાવ્યા પછી પલ્સ ઑક્સિમીટરથી ઑક્સિજન સેચ્યુરેશન માપવામાં આવ્યું હતું જેમાં સ્પષ્ટ તારણ નીકળ્યું હતું કે બ્લૅક, બ્લુ, ગ્રીન, લાલ અને ડાર્ક પર્પલ રંગની નેઇલ પૉલિશથી ઑક્સિમીટરના રીડિંગમાં સૌથી વધુ ખામી હોય છે. ટ્રાન્સપરન્ટ કે પિન્ક શેડથી રીડિંગમાં બહુ વાંધો નથી આવતો. ડાર્ક રંગની પૉલિશના લેયરને કારણે લગભગ બેથી ત્રણ ટકા જેટલો સેચ્યુરેશનમાં ફરક આવે છે એમ જણાવતાં ડૉ. સુશીલ જૈન કહે છે, ‘નૉર્મલ અને હેલ્ધી વ્યક્તિમાં ૯૯ ટકાને બદલે ૯૬ ટકા દેખાય તો વાંધો ન આવે પણ કોવિડ પેશન્ટ હોય અને તેનું સેચ્યુરેશન ૯૫ હોય અને ખામીને કારણે ૯૨ ટકા બતાવે તો વગરકારણે પૅનિક ક્રીએટ થઈ શકે છે.’

11 May, 2021 12:15 PM IST | Mumbai | Sejal Patel

અન્ય લેખો

ફેશન ટિપ્સ

ટ્રાય કરશો તમે ટાઇ ઍન્ડ ડાઇ?

ઇંગ્લિશ રંગો સાથે મળીને મૉડર્ન લુક ધારણ કરી ચૂકેલી આ પૅટર્ન કિચનની કેટલીક સામગ્રીઓ દ્વારા તમે પણ પોતાનાં કપડાં પર ઘરે જ કરી શકો છો

04 May, 2021 02:54 IST | Mumbai | Aparna Shirish
ફેશન ટિપ્સ

માસ્ક અને એ પણ ફૅશનેબલ

બૉલીવુડની બ્યુટીઝ અવારનવાર ડિઝાઇનર માસ્ક પહેરી આ ન્યુ નૉર્મલ એસેન્શિયલ ઍક્સેસરીને પ્રૅક્ટિકલ ટ્રેન્ડ બનાવી રહી છે

27 April, 2021 12:53 IST | Mumbai | Aparna Shirish
ફેશન ટિપ્સ

કમાલ કફ્તાન

મુંબઈમાં પારો ચડી રહ્યો છે અને આખો દિવસ રહેવાનું પણ ઘરમાં જ છે ત્યારે આ સેલિબ્રિટીઝની જેમ કફ્તાન અપનાવવા જેવાં છે

20 April, 2021 12:58 IST | Mumbai | Aparna Shirish

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK