Sherni: મંત્રીને વિદ્યા બાલને ડિનરની ના પાડતાં શૂટ અટક્યું? મંત્રી આમ કહે છે

બૉલિવુડ એક્ટ્રેસ વિદ્યા બાલન હાલમાં મધ્ય પ્રદેશમાં પોતાની નવી ફિલ્મની શૂટિંગ કરી રહી છે. તે અહીંના જંગલોમાં છેલ્લા કેટલાક અઠવાડિયાથી ફિલ્મનું શૂટિંગ કરી રહી છે. પરંતુ અચાનક તેમનું શૂટિંગ રોકી દેવામાં આવ્યું હોવાની વાતો ચાલી. 

એમ કહેવાયું કે મધ્ય પ્રદેશના વનમંત્રી વિજય શાહને કારણે શૂટિંગ અટકાવાયુંવિજય શાહે વિદ્યા બાલનને પોતાની સાથે લંચ કરવાનું આમંત્રણ મોકલ્યું હતું.

આ આમંત્રણનો વિદ્યાએ અસ્વીકાર કર્યો અને તેને પગલે શૂટિંગ અટકાવાયું. બાલાઘાટના જિલ્લા વન અધિકારીએ પ્રોડક્શન ટીમની ગાડીઓને જંગલમાં જતા રોકી અને કહ્યું કે ફક્ત 2 ગાડીઓને જવાની પરવાનગી છે

જો કે આ મીડિયા રિપોર્ટ્સને મિનિસ્ટર વિજય શાહે નકાર્યા અને કહ્યું કે પોતે લંચ પ્લાન કેન્સલ કર્યો હતો શૂટિંગ નહીં. તેમણે જણાવ્યું કે તેઓ એ લોકોની વિનંતી પર ત્યાં બાલાઘાટ હાજર હતા જ્યાં શૂટિંગ થઇ રહ્યું હતું અને પછી તેમણે મને લંચ કે ડિનર પર આવવા કહ્યું અને મેં કહ્યું કે એ શક્ય નહોતું અને હું તેમને ત્યારે મળીશ જ્યારે મહારાષ્ટ્ર જઇશ. આમ લંચ કે ડિનરના જે પ્લાન્સ બનતા હતા તે કેન્સલ થયા હતા, શૂટિંગ નહીં.

રિપોર્ટ અનુસાર વિદ્યા બાલને મિનિસ્ટર સાથે ડિનર લેવાની ના પાડી એટલે મિનિસ્ટરનો અહમ ઘવાયો અને પ્રોડક્શન ટીમને તકલીફ પડે એવા સંજોગો ખડા થઇ ગયા. જો કે હવે મિનિસ્ટર કંઇક જૂદો જ સુર રેલાવી રહ્યા છે.