લાંબા સમયથી સિલ્વર સ્ક્રીનથી દૂર રહેલા આ 10 સેલેબ્ઝ 2021માં કરશે ગ્રાન્ડ કમબૅક

ભાગ્યશ્રી

'મૈંને પ્યાર કિયા' ફૅમ અભિનેત્રી ભાગ્યશ્રી આ વર્ષે ફરી એકવાર મોટા પડદે પોતાનો જાદુ ચલાવવાની છે. કંગના રણોત સ્ટારર તમિલનાડુના પૂર્વ મુખ્યપ્રધાનની બાયોપિક ‘થલાઈવી’માં મહત્ત્વના રોલમાં જોવા મળશે. આ ફિલ્મ 2020માં રિલીઝ થવાની હતી. પરંતુ શૂટિંગ પૂરું ન થવાને કારણે હવે ફિલ્મ 2021માં રિલીઝ થશે.

શાહરૂખ ખાન

છેલ્લે વર્ષ 2018માં આવેલી ફિલ્મ ‘ઝીરો’માં અનુષ્કા શર્મા અને કેટરીના કૈફ સાથે દેખાયેલો શાહરુખ ખાન છેલ્લા બે વર્ષથી ફિલ્મોથી દૂર છે. ફૅન્સ તેને સિલ્વર સ્ક્રીન પર જોવા માટે બહુ જ ઉત્સુક છે. આ વર્ષે અભિનેતા એક નહીં, બે નહીં પણ અનેક ફિલ્મોમાં જોવા મળવાનો છે. શાહરુખની ફિલ્મ ‘પઠાણ’ અને ‘સ્પાઇ યુનિવર્સ’ આ વર્ષે રિલીઝ થશે. આ સિવાય તે રાજકુમાર હિરાણીની ફિલ્મોમાં પણ દેખાશે.

ઐશ્વર્યા રાય બચ્ચન

ઐશ્વર્યા રાય બચ્ચન છેલ્લે 2018માં ફિલ્મ ‘ફન્ને ખાં’માં જોવા મળી હતી. હવે બે વર્ષ બાદ અભિનેત્રી આ વર્ષે મણિ રત્નમની ફિલ્મ ‘પોનિયન સેલ્વન’, ‘ગુલાબ જામુન’ અને ‘જેસ્મિનઃ સ્ટોરી ઓફ એ લીઝ્ડ વુમન’માં જોવા મળશે.

આમિર ખાન

વર્ષ 2018ના અંતમાં આવેલી મલ્ટિસ્ટારર ફિલ્મ ‘ઠગ્સ ઓફ હિન્દોસ્તાન’માં દેખાયેલો આમિર ખાન છેલ્લા બે વર્ષથી ફિલ્મોથી દૂર હતો. છેલ્લી ફ્લોપ ફિલ્મ બાદ આમિર ખાન વર્ષ 2020માં ક્રિસમસ પર 'લાલ સિંહ ચઢ્ઢા'થી કમબેક કરવાનો હતો પણ મહામારીને કારણે તે શક્ય ન બન્યું. હવે ફિલ્મનું શૂટિંગ લગભગ પૂરું થઇ ગયું છે ત્યારબાદ મેકર્સ થિયેટર ખુલવાની રાહ જોઈ રહ્યા છે. આ ફિલ્મ 2021માં રિલીઝ થઇ શકે છે. આ સિવાય આમિર ‘મુગલ’ ફિલ્મ પર પણ કામ કરી રહ્યો છે.

સોનમ કપૂર

‘ધ ઝોયા ફેક્ટર’ના બે વર્ષ બાદ સોનમ કપૂર ફરીથી એક વખત ફિલ્મમાં કમબૅક કરવા માટે તૈયાર છે. સોનમ વર્ષ 2020માં ફિલ્મ ‘બ્લાઈન્ડ’માં જોવા મળશે, જેનું શૂટિંગ પણ શરૂ થઈ ગયું છે.

સલમાન ખાન

સલમાન ખાન છેલ્લે 2019ની ફિલ્મ 'ભારત'માં કેટરીના કૈફ સાથે જોવા મળ્યો હતો. વર્ષ 2020માં તે ફિલ્મ ‘રાધે: યોર મોસ્ટ વોન્ટેડ ભાઈ’ દ્વારા કમબૅક કરવાનો હતો. પરંતુ મહામારીને કારણે ફિલ્મનું શૂટિંગ થઈ શક્યું નહીં. ફિલ્મને ડિજિટલી રિલીઝ કરવા માટે ઘણી ઓફર્સ મળી રહી છે પણ મેકર્સ આને થિયેટરમાં રિલીઝ કરવા માગે છે. ફિલ્મનું શૂટિંગ પુર્ણ થઈ ગયું હોવાથી હવે આ વર્ષે ફિલ્મ રિલીઝ થશે. આ સાથે જ સલમાન ‘કભી ઈદ કભી દિવાલી’ ફિલ્મમાં પણ જોવા મળશે. થોડા દિવસ પહેલાં તેણે ‘અંતિમ’ ફિલ્મનું ફર્સ્ટ લુક પણ રિલીઝ કર્યું હતું. જેમાં તે સરદારના રોલમાં દેખાશે. આ ફિલ્મને પણ આ વર્ષે રિલીઝ કરવાની તૈયારી છે.

રણબીર કપૂર

વર્હ 2018માં સંજય દત્તની બાયોપિક સંજુમાં જોવા મળ્યા બાદ રણબીર કપૂર ફિલ્મોમાં જોવા મળ્યો નથી. અભિનેતા છેલ્લા બે વર્ષથી અયાન મુખર્જીની ફિલ્મ ‘બ્રહ્માસ્ત્ર’નો હિસ્સો છે. તે આ ફિલ્મથી 2020માં કમબૅક કરવાનો હતો. જો કે, મહામારીને કારણે આવું થઈ શક્યું નહીં. હવે 2021માં રણબીર ‘બ્રહ્માસ્ત્ર’ની સાથે ‘શમશેરા’માં જોવા મળશે. તે ઉપરાંત એક્ટર લવ રંજન અને સંદીપ રેડ્ડી વંગાની અનટાઈટલ ફિલ્મમાં પણ જોવા મળશે.

પ્રિયંકા ચોપરા

વર્ષ 2019માં આવેલી ફિલ્મ ‘ધ સ્કાય ઈઝ પિંક’ બાદ હવે પ્રિયંકા ચોપરા ‘ધ વ્હાઈટ ટાઈગર’માં, આનંદ શીલાની સિરીઝ અને ‘ક્વોન્ટિકો’ની આગામી સિઝનમાં જોવા મળશે. તે ઉપરાંત પ્રિયંકા કલ્પના ચાવલા પર બની રહેલી બાયોપિકમાં કલ્પનાનો રોલ પણ કરી શકે છે. જોકે, અત્યારે તેને ફિલ્મમાં કન્ફર્મ કરવામાં નથી આવી. તે સિવાય તેની ફિલ્મ ‘હીરા મંડી’ ફિલ્મ પણ 2021માં રિલીઝ થઈ શકે છે.

રણવીર સિંહ

2019માં હિટ ફિલ્મ ગલી બોય આપનાર રણવીર સિંહ છેલ્લા બે વર્ષથી એકપણ ફિલ્મમાં જોવા નથી મળ્યો. 2020ની શરૂઆતમાં જ 1983માં થયેલા વર્લ્ડ પર બનેલી ફિલ્મ ‘83’ને લઈને આવવાનો હતો પરંતુ લૉકડાઉનને કારણે ફિલ્મ પોસ્ટપોન થઈ ગઈ. હવે આ ફિલ્મ 2021માં રિલીઝ થશે. તે ઉપરાંત રણવીર સિંહ ‘જયેશભાઈ જોરદાર’, ‘તખ્ત’ અને ‘સર્કસ’માં જોવા મળશે.

જોન અબ્રાહમ

2019માં ફિલ્મ ‘પાગલપંતી’, ‘બાટલા હાઉસ’, ‘સત્યમેવ જયતે’માં જોવા મળેલ જ્હોન અબ્રાહમ વર્ષ 2021માં એક કે બે નહીં પરંતુ પાંચ ફિલ્મોમાં જોવા મળશે. ‘સત્યમેવ જયતે 2’નું શૂટિંગ શરૂ થઈ ગયું છે જે વર્ષ 2021માં બનીને તૈયાર થઈ જશે. તે ઉપરાંત જ્હોન ‘મુંબઈ સાગા’, ‘અટેક’, સરદાર એન્ડ ગ્રાન્ડસન’ અને ‘પઠાન’માં જોવા મળશે.