લગ્ન એટલે જન્મોનો સંબંધ, પણ આ ટીવી કપલ્સ લગ્ન સંબંધ નિભાવવામાં રહ્યાં છે નિષ્ફળ

રિંકુ ધવન અને કિરણ કરમાકર

રિંકુ ધવન અને કિરણ કરમાકર આદર્શ કપલ્સમાંથી એક કહેવાતા. બન્ને લગ્નના 15 વર્ષ બાદ અલગ થયા હતા. બન્નેની મુલાકાત સિરિયલ ‘કહાની ઘર ઘર કી’ના સેટ પર થઈ હતી. એકબીજાના પરેમમાં પડયા બાદ બન્નેએ લગ્ન કર્યા હતા. રિંકુ અને કિરણ ના લગ્ન વર્ષ 2001માં થયા હતા. બન્ને તલાકના એક વર્ષ પહેલા અલગ રહેતા હતા અને વર્ષ 2017માં તેમના છૂટાછેડા થયા હતા. બન્નેને 18 વર્ષનો દીકરો છે.

માનીની ડે અને મિહિર મિશ્રા

ટીવીના ક્યૂટેસ્ટ કપલમાં ગણાતા માનીની ડે અને મિહિર મિશ્રાના છૂટાછેડાના સમાચારે સહુને આશ્ચર્યચકિત કરી દીધા હતા. બન્નેના લગ્ન સંબંધોનો 16 વર્ષ પછી અંત આવ્યો હતો. માનીની અને મિહિરની મુલાકાત સીરિયલ 'સંજીવની' ના સેટ પર થઈ હતી. આ કપલે 2004 માં લગ્ન કર્યાં હતાં. લગ્નના 16 વર્ષ પછી મિહિર અને માનીનીએ તાજેતરમાં અલગ થવાનું નક્કી કર્યું હતું.

રિદ્ધિ ડોગરા અને રાકેશ બાપટ

ટીવીના સૌથી લોકપ્રિય દંપતીમાંના એક રાકેશ બાપટ અને રિદ્ધિ ડોગરા લગ્નના નવ વર્ષ પછી છૂટા પડયા હતા. રિદ્ધિ અને રાકેશના લગ્ન વર્ષ 2011માં થતા અને બન્નેના છૂટાછેડા વર્ષ 2019માં થયા હતા. તેમના અલગ થવાના સમાચારની જાહેરાત સૌ પ્રથમ રાકેશ દ્વારા કરવામાં આવી હતી. તે સમયે રાકેશ બાપટે જણાવ્યું હતું કે, બન્નેએ પરસ્પર સંમતિ બાદ અલગ થવાનું નક્કી કર્યું છે.

આમિર અલી અને સંજીદા શેખ

ટીવીના સૌથી લોકપ્રિય અને સુંદર યુગલોમાં આમિર અલી અને સંજીદા શેખનું નામ આવતુ હતું. 2 માર્ચ, 2012ના રોજ બન્ને લગ્નજીવન બંધનમાં બંધાયા હતા. આમિર-સંજીદાને મેડ ફોર ઇચ અધર જોડી કહેવામા આવતી. પરંતુ 2019 ની શરૂઆતમાં, આમિર-સંજીદાના અલગ થયા હોવાના અહેવાલોએ જોર પકડયું હતું. છેલ્લા એક વર્ષથી સંજીદા આમિરનું ઘર છોડીને પોતાના ઘરે રહેવા લાગી હતી. પછી ચાલુ વર્ષે બન્નેએ ડિવોર્સ લેવાનું નક્કી કર્યું. આઠ વર્ષના લગ્નજીવનનો અંત આવવાનું કોઈ કારણ હજી સુધી બહાર નથી આવ્યું. બન્નેને એક દીકરી પણ છે.

સિમરન ખન્ના અને ભરત દુદાની

સ્ટાર પ્લસની સિરીયલ 'યે રિશ્તા ક્યા કહલાતા હૈ' સીરિયલમાં ગાયત્રી (ગાયુ) ગોયેન્કાની ભૂમિકા ભજવીને ઘરઘરમાં જાણીતી થયેલી અભિનેત્રી સિમરન ખન્નાએ ચાલુ વર્ષે જ પતિ ભરત દુદાની સાથે છૂટાછેડા લીધા છે. અભિનેત્રીનું કહેવું છે કે બન્ને વચ્ચે કોઈ ઝઘડા નથી થયા. સિમરન અને ભરતનો એક પુત્ર વિનીત છે, જેની કસ્ટડી ભરતની પાસે છે. સિમરન હંમેશા તેના દીકરાને મળવા આવતી-જતી રહે છે.

ચાહત ખન્ના અને ફરહાન મિર્ઝા

સિમરન ખન્નાની બહેન અને અભિનેત્રી ચાહત ખન્નાએ પતિ ફરહાન મિર્ઝા પર મારપીટનો આરોપ લગાવ્યો હતો અને પછી બન્નેએ છૂટાછેડા લીધા હતા. 2013 માં બંનેએ લગ્ન કર્યાં હતાં. પરંતુ 2018 માં ચાહતે ફરહાનને છૂટાછેડા આપી દીધા હતા. ચાહતે તેના નામનું કરાવેલું ટેટૂ પણ કઢાવી નાખ્યું હોવાના અહેવાલ છે. તમને જણાવી દઈએ કે, ચાહત ખન્નાના ફરહાન મિર્ઝા સાથેના બીજા લગ્ન હતા. તેને બે દીકરીઓ પણ છે. અભિનેત્રી બન્ને દીકરીઓ સાથે એકલી રહે છે.

મેઘા ગુપ્તા અને સિદ્ધાંત કાર્નિક

મેઘા ગુપ્તા અને સિદ્ધાંત કાર્નિકની મુલાકાત 2015માં એક મિત્રની પાર્ટીમાં થઈ હતી. મેઘાના લગ્ન આદિત્ય શ્રોફ સાથે થયા હતા, પરંતુ 2014માં બન્નેએ છૂટાછેડા લીધા હતા. આ પછી મેઘાએ સિદ્ધાંત કાર્નિક સાથે લગ્ન કર્યા અને હવે ચાર વર્ષ પછી બન્ને અલગ થઈ ગયા છે. ઓગસ્ટ 2016માં મેઘા અને સિદ્ધાંતે લવ મેરેજ કર્યા હતા. બન્ને છેલ્લા એક વર્ષથી અલગ રહેતા હતા અને તે જ વર્ષે એટલે કે માર્ચ 2020માં બન્નેના છૂટાછેડા થયા છે. આ દંપતી તેની સુંદર કેમેસ્ટ્રી માટે જાણીતું હતું.

શ્વેતા બાસુ પ્રસાદ અને રોહિત મિત્તલ

ટીવી દુનિયાથી બૉલીવુડમાં જબરદસ્ત ઓળખ બનાવનાર શ્વેતા બાસુ પ્રસાદ અને ફિલ્મ નિર્માતા રોહિત મિત્તલે ડિસેમ્બર 2018માં લગ્ન કર્યા હતા. પરંતુ શ્વેતાએ લગ્નના એક વર્ષ પછી જ રોહિતને છૂટાછેડા આપી દીધા હતા. શ્વેતાએ રોહિતથી અલગ થવાના સમાચાર સોશ્યલ મીડિયા દ્વારા શેર કર્યા હતા.

શ્વેતા તિવારી અને અભિનવ કોહલી

અભિનેત્રી શ્વેતા તિવારી લગ્ન બંધન બાબતે હંમેશા અનલકી રહી છે. પેહલા પતિ રાજા ચૌધરીથી છૂટા થયા બાદ શ્વેતાએ વર્ષ 2013માં અભિનવ કોહલી સાથે લગ્ન કર્યા હતા. પરંતુ 2019માં શ્વેતાએ તેની પુત્રી પલક તિવારી સાથે દુષ્કર્મનો આરોપ લગાવીને અલગ થવાનો નિર્ણય લીધો હતો. જોકે શ્વેતા અને અભિનવના હજી છૂટાછેડા થયા નથી. પરંતુ ત્યારબાદથી બંને અલગ રહી રહ્યા છે.

અવિનાશ સચદેવ અને શાલમલી દેસાઈ

ટીવીના લોકપ્રિય દંપતી અવિનાશ સચદેવ અને શાલમલી દેસાઈએ એકબીજાને ડેટ કર્યા પછી વર્ષ 2015માં લગ્ન કર્યા હતા. પણ આ લગ્ન ત્રણ વર્હ પણ નહોતા ટકી શક્યા અને બન્નેએ વર્ષ 2018માં છૂટાછેડા લઈ લીધા હતા. ‘ઈસ પ્યાર કો ક્યા નામ દૂં’ના સેટ પર બન્નેની મુલાકાત થઈ હતી. શાલમલીને હંમેશાં એવું લાગતું હતું કે અવિનાશનું કોઈ અન્ય સ્ત્રી સાથે અફેર છે, એટલે બન્ને વચ્ચે અણબનાવ હતો.