શાહિર શેખે ગર્લફ્રેન્ડ રૂચિકા કપૂર સાથે કર્યા કૉર્ટ મેરેજ, તસવીરો વાયરલ

સોશિયલ મીડિયા પર શાહિર અને રૂચિકાની અનેક તસવીરો છવાયેલી છે. 

એક ઇન્ટરવ્યૂમાં શાહિરે કહ્યું હતું કે, "આ સંબંધની સૌથી સાારી વાત એ છે કે રૂચિકા સૌથી પહેલા મારી ફ્રેન્ડ છે. પછી અમે પતિ-પત્ની છીએ. અભિનેતા હોવાને નાતે કેમેરા પર મારા પાત્રો બદલાતા રહે છે. એવામાં મને એક એવી પાર્ટનર મળી છે જેની સામે હું રિયલ લાઇફમાં જે છું તે રહી શકું છું."

શાહિર 2013માં પ્રસારિત સીરિયલ મહાભારતમાં અર્જુનનું પાત્ર ભજવીને હિટ થયો હતો. જ્યારે રૂચિકા કપૂર બાલાજી મોશન પિક્ચર્સ લિમિટેડમાં ક્રિએટિવ પ્રૉડ્યૂસર અને એક્ઝીક્યૂટિવ વાઇસ પ્રેસિડેન્ટ છે. બન્નેની મુલાકાત ફિલ્મ જજમેન્ટલ હે ક્યા દરમિયાન થઈ હતી. લગભગ બે વર્ષ સુધી તેમણે એકબીજાને ડેટ કર્યું.

આ પહેલા શાહિરે પોતાના સોશિયલ મીડિયા અકાઉન્ટ પરથી એક તસવીર શૅર કરીને રૂચિકા સાથે સગાઇ કરવાના સમાચાર આપ્યા હતા. તસવીરમાં રૂચિકા કપૂર ખડખડાટ હસતી જોવા મળે છે. શાહિરે તેનો હાથ પકડ્યો છે અને રૂચિકાના હાથમાં સગાઇની વીંટી છે. તેણે કૅપ્શનમાં લખ્યું છે, "તુ હસદી રેવે, આગળના જીવન માટે ઉત્સાહિત છું."

શાહિરની અન્ય સીરિયલની વાત કરીએ તો કુછ રંગ પ્યાર કે એસે ભી, યે રિશ્તે હૈં પ્યાર કે, દાસ્તાન એ મોહબ્બત સલીમ અનારકલી અને નવ્યા-નએ ધડકન નએ સવાલમાં કામ કર્યું છે. સીરિયલ મહાભારતથી શાહિર ઇન્ડોનેશિયામાં પણ ખૂબ જ પ્રખ્યાત થયો હતો અને ત્યાંની બે ફિલ્મો પણ કરી છે.