HBD Roopa Ganguly: આ સીન વખતે પોક મૂકીને રડી પડી હતી દ્રૌપદી, જાણો વધુ

જ્યારે ટીવી સીરીયલનું શૂટિંગ લોકડાઉનમાં બંધ કરવામાં આવ્યું હતું ત્યારે રામાયણ ફરીથી દૂરદર્શન પર ટેલિકાસ્ટ કરવામાં આવ્યું હતું. પ્રેક્ષકોની માંગ જોઈને બી.આર.ચોપડાના મહાભારતનું પણ ટેલિકાસ્ટ થયું. આ શોને કારણે દૂરદર્શનની ટીઆરપી પણ વધી. મહાભારતમાં દ્રૌપદીની ભૂમિકા અભિનેત્રી રૂપા ગાંગુલીએ ભજવી હતી. 

રૂપા ગાંગુલી 1988માં બીઆર ચોપડાના મહાભારત સીરિયલમાં દ્રૌપદીની ભૂમિકા ભજવીને ઘર-ઘરમાં પ્રખ્યાત થઈ ગયા હતા. આ ભૂમિકામાં તેમનું જોરદાર અભિનય જોવા મળ્યું હતું. આજે રૂપા ગાંગુલી પોતાનો 54મો જન્મદિવસ ઉજવી રહી છે અને એનો જન્મ 25 નવેમ્બર 1966ના રોજ કલ્યાણીમાં થયો છે. આજે તેમના જન્મદિવસ પર મહાભારતથી જોડાયેલા એક સીન સાથેનો કિસ્સો જાણીએ.

મહાભારતના એક સીન બાદ રૂપા ગાંગુલી રડી પડ્યા હતા. એ સીન હતો દ્રૌપદીનું વસ્ત્રહરણ. રિપોર્ટ્સ મુજબ રૂપા ગાંગુલીએ પોતાના અભિનયથી દ્રૌપદીના ચીરહરણની સીક્વેન્સ એટલી જોરદાર રીતે ભજવી હતી કે અભિનેત્રી વાસ્તવિક જીવનમાં રડવા લાગી હતી.

રૂપા સેટ પર એટલા બધા રડી પડ્યા હતા કે મેકર્સ અને તેના કો-સ્ટાર્સ લાંબા સમય સુધી એમને ચૂપ કરાવતા હતા. અભિનેત્રી તરીકે રૂપા ગાંગુલીએ આ દ્રશ્ય એટલી સારી રીતે ભજવ્યું હતું કે તે એક જ વારમાં શૂટ થઈ ગયું હતું અને તેણે કોઈ રીટેક લીધું ન હતું. જણાવી દઈએ કે પહેલા દ્રૌપદીનો રોલ જૂહી ચાવલાને ઑફર થયો હતો.

દ્રૌપદીના પાત્રનું શૂટિંગ શરૂ થયાના ત્રણ મહિના પહેલા જૂહી ચાવલાની ફિલ્મ રિલીઝ થઈ હતી કયામત સે કયામત તક, પણ તે દ્રૌપદી માટે એગ્રીમેન્ટ સાઈન કરી ચૂકી હતી. બાદ જૂહી ચાવલાએ બીઆર ચોપડાને નિવેદન કર્યું હતું કે તે હમણાં ફિલ્મો માટે કામ કરવા માંગે છે. ત્યાર બાદ બીઆર ચોપડાએ એગ્રીમેન્ટ કેન્સલ કર્યું હતું.