બાળકો સાથે ડિનર પર નીકળ્યા ઋષિ કપૂર, પાપારાઝીને જોઈને કહ્યું આ....

મુંબઈના બાન્દ્રાના એક જાણીતાં રેસ્ટૉરન્ટમાં ડિનર પછી પાપારાઝીએ કપૂર ફેમિલીને સ્પૉટ કર્યા હતા. બધાને એક સાથે જોઇને ઘણી બધી તસવીરો લેવામાં આવી. 

ઋષિ કપૂર દીકરા રણબીર કપૂર, દીકરી રિદ્ધિમા કપૂર સાહની, દોહિત્રી સમારા સાહની અને પત્ની નીતૂ સિંહ સાથે જોવા મળ્યા. 

અમેરિકાથી પાછાં આવ્યા પછી કોઇક રેસ્ટોરન્ટમાં કદાચ આ તેમનું પહેલું ફેમિલી ડિનર હતું.

ઋષિ કપૂર થોડાંક સમય પહેલા જ અમેરિકાથી પાછા ફર્યા છે. ગયા વર્ષે ઑગસ્ટમાં તે કેન્સરની સારવાર કરાવવા ન્યૂયૉર્ક ગયા હતા. 

જ્યારે ઋષિ કપૂર અમેરિકામાં હતા ત્યારે તેમની બીમારીનો ખુલાસો કરવામાં આવ્યો ન હતો.

ઋષિ કપૂરે ટ્વિટરની એક પોસ્ટ દ્વારા અમેરિકામાં હોવાનો ખુલાસો કર્યો. 

લગભગ એક વર્ષ સુધી તે ન્યૂયૉર્કમાં રહ્યા.

ઋષિ કપૂર જ્યારે ભારતમાં ન હતા ત્યારે પણ તેઓ સોશિયલ મીડિયા દ્વારા ચાહકો અને ફોલોઅર્સ સાથે જોડાયેલા રહ્યા.

ક્યારેક દેશની સ્થિતિ પર તો ક્યારે તહેવારોની વધામણી માટે તેઓ ટ્વીટ અને સોશિયલ મીડિયા પોસ્ટ દ્વારા લોકો સાથે જોડાયેલા રહ્યા.

બોલીવુડના તમામ સિતારા અને હાઇપ્રોફાઇલ લોકો ઋષિ કપૂરને મળવા અમેરિકા ગયા હતા. 

બોલીવુડમાંથી શાહરુખ ખાન, પ્રિયંકા ચોપરા, અનુપમ ખેર સહિત કેટલાય સેલેબ્સ ઋષિ કપૂરની તબિયત જાણવા ન્યૂયૉર્ક પહોંચ્યા હતા.

અંબાણી પરિવારે પણ ઋષિ કપૂર સાથે મુલાકાત કરી. અમેરિકા પ્રવાસ દરમિયાન નીતૂ સિંહ પણ ઋષિ કપૂર સાથે જ રહ્યા.

નીતૂ સિંહે પણ મુલાકાતીઓની તસવીરો પોતાના સોશિયલ મીડિયા અકાઉન્ટ પરથી શૅર કરી. 

જ્યારે ઋષિ કપૂર બાન્દ્રામાં રેસ્ટોરન્ટ બહાર જોવા મળ્યા ત્યારે તે પાપારાઝીને વધારે ઘોંઘાટ ન કરવાની સલાહ આપતાં જોવા મળ્યા.

આ પહેલા પણ દિવાળી પર ઋષિ કપૂરનો વીડિયો સામે આવ્યો હતો જેમાં તે પાપારાઝીને સમજાવતાં હતા કે વધારે અવાજ ન કરો.