રાજીવ કપૂરના નિધનથી સેલિબ્રિટીઝ દુ:ખી, પાઠવી શ્રદ્ધાંજલિ

ટૅલન્ટેડ ઍક્ટર રાજીવ કપૂરના મૃત્યુના સમાચાર મને હાલમાં જ જાણવા મળ્યા છે. રાજ કપૂર સાહબના સૌથી નાના દીકરા હતા. આ સમાચારથી મને ખૂબ જ દુઃખ થયું છે. તેમના આત્માને શાંતિ મળે.

- લતા મંગેશકર

 ‘પ્રેમ ગ્રંથ’માં મને રાજીવ કપૂર સાથે કામ કરવાનો ચાન્સ મળ્યો હતો. આ તેમની પહેલી ફિલ્મ હતી અને એકદમ મુશ્કેલ વિષય હતો એમ છતાં તેમણે ખૂબ જ મૅચ્યોરિટીથી એને રજૂ કર્યો હતો. અમે ખૂબ જ સારી યાદો પસાર કરી હતી. કપૂર ફૅમિલી સાથે મારી સાંત્વના છે. તેમના આત્માને શાંતિ મળે.

- માધુરી દીક્ષિત નેને

કપૂર ફૅમિલીના આ દુઃખમાં હું પણ તેમની સાથે છું.

- અક્ષયકુમાર

રાજીવ કપૂરના મૃત્યુ વિશે સાંભળીને દુઃખ થયું. તેમની ડિરેક્ટર તરીકેની પહેલી ફિલ્મમાં મેં તેમની સાથે કામ કર્યું હતું. તેઓ ખૂબ જ ટૅલન્ટેડ ડિરેક્ટર હતા. આ ફિલ્મમાં કામ કરીને હું તેમને અંગત રીતે ઓળખતો થયો હતો. તેઓ ખૂબ જ ખુશમિજાજ વ્યક્તિ હતા.

- અનુપમ ખેર

રાજીવ કપૂરના સમાચાર સાંભળીને ખૂબ જ દુઃખ થયું છે. તમને મોટા થતા મેં જોયા છે. તમારી ફૅમિલીના દુઃખમાં હું પણ સહભાગી છું. તમારા આત્માને શાંતિ મળે.

- બોની કપૂર

અમારા માટે આ ખૂબ જ દુઃખદ સમાચાર છે. હાર્ટ-અટૅકને કારણે રાજીવ કપૂરજીનું મૃત્યુ થયું છે.

- મનોજકુમાર