HBD Rajinikanth: એક સમયે બસ કન્ડક્ટર અને કુલીની કરતા હતા નોકરી, આજે છે સુપરસ્ટાર

ભારતના દિગ્ગજ અભિનેતા અને સુપરસ્ટાર રજનીકાંતનો આજે 70મો જન્મદિવસ છે. એમનો જન્મ 12 ડિસેમ્બર 1950ના રોજ બેંગ્લોરમાં થયો હતો.

આખી દુનિયા એમને રજનીકાંતના નામથી જાણે છે, હકીકતમાં એમનું નામ શિવાજી રાવ ગાયકવાડ છે.

રજનીકાંત આજે જ્યાં પહોંચ્યા છે, ત્યાં પહોંચવા માટે તેમણે ઘણી મહેનત કરી છે.

આજે આલીશાન જીવન જીવનારા રજનીકાંત ક્યારેક બસ કન્ડક્ટરની નોકરી કરતા હતા. 

રજનીકાંતનો જન્મ એક ગરીબ પરિવારમાં થયો હતો. એમનાં પિતાનું નામ રામોજી રાવ ગાયકવાડ હતું અને તેમના પિતા એક હવાલદાર હતા,

તેમ જ ચાર ભાઈ બહેનોમાં સૈથી નાના છે રજનીકાંત.

જ્યારે માતા જીજાબાઈનું અવસાન થયું ત્યાર બાદથી આખું પરિવાર વિખેરાઈ ગયું.

ઘરની આર્થિક સ્થિતિ નબળી હોવાને કારણે રજનીકાંતે કુલીનું કામ કરવાનું શરૂ કરી દીધું.

આ પછી તેણે પૈસા કમાવવા માટે સુથારનું કામ પણ કરવા લાગ્યા.

થોડા સમય બાદ તેમણે બેંગ્લોર ટ્રાન્સપોર્ટ સર્વિસ (BTS) બસમાં કન્ડક્ટર પણ બન્યા.

રજનીકાંતે ભલે અલગ-અલગ કામ કર્યા હોય પરંતુ એમના દિલમાં હંમેશાથી જ એક એક્ટર બનવાની ઈચ્છા હતી.

આ જ કારણના લીધે તેઓ કામની સાથે સાથે 1973માં મદ્રાસ ફિલ્મ ઈન્સ્ટિટ્યૂટમાં જોડાયા અને અભિનયમાં ડિપ્લોમા કર્યું.

રજનીકાંતે તેની અભિનય કારર્કિદીની શરૂઆત કન્નડ નાટકોથી કરી હતી. 

તેમ જ મહાભારતના દુર્યોધનના રૂપમાં તેમના અભિનયના ઘણા વખાણ કરવામાં આવ્યા હતા.

તમને જણાવી દઈએ કે એક્ટરે તમિલ ફિલ્મ ઈન્ડસ્ટ્રીમાં પ્રવેશતા પહેલા તમિલ ભાષાનો અભ્યાસ કર્યો હતો.

તેમ જ એમની પહેલી ફિલ્મ 'અપૂર્વા રાગનગાલ' હતી.

'અપૂર્વા રાગનગાલ' ફિલ્મમાં એમની સાથે કમલ હાસન પણ નજર આવ્યા હતા.

આ સાથે રજનીકાંતે સાઉથની ફિલ્મોમાં પ્રવેશ કર્યા બાદ બૉલીવુડમાં પ્રવેશ કર્યો હતો. 

તેમણે 80ના દાયકામાં 'અંધા કાનૂન' ફિલ્મથી બૉલીવુડમાં ડેબ્યૂ કર્યો હતો.

બાદ રજનીકાંત હિન્દી ભાષી ફૅન્સના દિલ પર રાજ કરવા લાગ્યા. 

રજનીકાંતે 'મેરી અદાલત', 'જાન જૉની જનાર્દન', 'ભગવાન દાદા', 'દોસ્તી દુશ્મી', 'ઈન્સાફ કૌન કરેગા', 'અસલી નકલી', 'હમ', 'ખૂન કા કર્જ', 'ક્રાંતિકારી', 'અંધા કાનૂન', 'ચાલબાઝ', 'ઈન્સાનિયત કા દેવતા' જેવી હિન્દી ફિલ્મોમાં કામ કરીને એક ખાસ સ્થાન બનાવ્યું છે.

રજનીકાંતને 'બિલ્લા' નામની ફિલ્મથી મોટી સફળતા મળી હતી.

1978માં રિલીઝ થયેલી અમિતાભ બચ્ચનની ફિલ્મ ડોન 'બિલ્લાની' રિમેક હતી.

આપને જણાવી દઈએ કે રજનીકાંતે પહેલીવાર 'મુન્દરુ મુગમ' નામની ફિલ્મમાં ટ્રિપલ રોલ ભજવ્યો હતો. આ ફિલ્મના અભિનય બદલ તેમને તમિલનાડુ સરકાર દ્વારા શ્રેષ્ઠ અભિનેતાનો એવોર્ડ પણ મળ્યો હતો.

તમને જાણીને આશ્ચર્ય થશે કે રજનીકાંતે માત્ર તમિલ અને હિન્દીમાં જ નહીં પરંતુ મલયાલમ, કન્નડ, તેલુગુ તેમજ બંગાળી ફિલ્મોમાં પણ કામ કર્યું છે. રજનીકાંત 'ભાગ્ય દેબતા' નામની બંગાળી ફિલ્મમાં જોવા મળ્યા હતા.

'અંધા કાનૂન' ફિલ્મ રજનીકાંતની પહેલી હિન્દી ફિલ્મ હતી. અમિતાભ બચ્ચન, હેમા માલિની અને રીના રૉય પણ આ ફિલ્મનો ભાગ હતા. 'હમ ફિલ્મમાં પણ રજનીકાંત અમિતાભ બચ્ચન સાથે નજર આવ્યા હતા.