Happy Birthday: અનિતા હસનંદાની વાઇનની જેમ મેચ્યોર થઇ રહી છે આ એક્ટ્રેસ

14 એપ્રિલ 1981નાં રોજ જન્મેલી અનિતા હસનંદાની સિંધી પરિવારની છે અને મુંબઇમાં જન્મીને મોટી થઇ છે.અનિતાએ નાની વયે તેના પિતા ગુમાવ્યા અને તેણે પોતાના ઘરની જવાબદારી ઉપાડી લીધી. તેણે જીવનનાં બધાં જ પડકારોને હસતા મોંએ સ્વીકાર્યા.

તાલ ફિલ્મનાં આ ફોટોગ્રાફમાં તમે 21 વર્ષ પહેલાની અનિતાને જોઇ શકો છો.તેણે નાનો રોલ કહ્યો હતો અને ઇશ્ક બિના ક્યા જીના યારોં વાળા ગીતમાં તેણે કેમિયો કર્યો હતો.

તેણે જ્યારે અભિનય ક્ષેત્રે કામ કરવાનું ચાલુ કર્યું ત્યારે તે માત્ર 20 વર્ષની હતી. તેણે તેલુગુ ફિલ્મ નુવ્વુ નેનુમાં અભિનય કર્યો હતો. આ તેનો પંદર વર્ષ જુનો ફોટોગ્રાફ છે.

અનિતા હસનંદાનીનો આ નાનપણનો ફોટોગ્રાફ છે. તેણે અનેક તેલુગુ ફિલ્મોમાં અભિનય કર્યો.

દક્ષિણની ફિલ્મોમાં કામ કરતી હતી તે દરમિયાન તેણે સાથે સાથે હિંદી ફિલ્મો અને ટીવી ઉદ્યોગમાં પણ પ્રોજેક્ટ્સ મળે તેનો પ્રયત્ન શરૂ કરી દીધો.

અનિતાએ દુરદર્શનની સિરીઝ કાંચ કી ચુડિયાંથી નાના પડદે કામ કરાવની શરૂઆત કરી. જો કે એકતા કપુરની સિરિયલ કભી સૌતન કભી સહેલીથી તે વધારે પૉપ્યુલર થઇ. આ સિરીયલમાં તેની સાથે પંકિત ઠક્કર અને ઉર્વશી ધોળકિયા પણ હતા. તસવીરમાં અભિનેત્રીઓ સાથે ડાયરેક્ટર કઇદ કુવાજેરવાલા.

તે એકતા કપૂરની કે સિરિઝ સિરિયલનો હંમેશા હિસ્સો રહી છે. તેણે કાવ્યાંજલી, કયામત, ક્યુંકી સાસ ભી કભી બહુ થી, ક્યા દિલ મેં હૈ, ક્યુંકી સાસ ભી કભી બહુ થીસ કહાની હમારી મહાભારત કી અને કસમ સે સિરિયલ્સમાં કામ કર્યું.

અનિતા અને એકતાની દોસ્તી બહુ ગાઢ છે, તે કપુર પરિવારનો હિસ્સો છે. તેઓ પર્સનલી અને પ્રોફેશનલી બહુ નજીક છે. કે સિરિયલ્સ પછી એકતાની સિરિયલ યે હૈં મોહબત્તેં અને નાગીનનાં ત્રીજા અને ચોથા સિઝનમાં પણ અનિતાએ કામ કર્યું.

અનિતાએ બૉલીવુડમાં બહુ સફળતા ન મેલવી પણ તેણે કુછ તો હૈ, યે દિલ, ક્રિષ્ણા કોટેજ, કોઇ આપ સા, દસ કહાનિયાં, જસ્ટ મેરીડ, એક સે બુરે દો, બબલુ અને હીરો જેવી ફિલ્મોમાં કામ કર્યું.

અનિતા પોતાની સફળતાનો શ્રેય ટેલિવિઝનને આપે છે કારણકે તેને કારણે જ તે ઘર ઘરમાં જાણીતું નામ બની શકી.

2018માં અનિતાએ અલ્ટ બાલાજીની સિરિઝ ગલ્તી સે મિસ મેચ દ્વારા ઓટટી પ્લેટફોર્મ પર એન્ટ્રી કરી.

અનિતાએ રોહિત રેડ્ડી સાથે લગ્ન કર્યા છે અને તેણે કહ્યું હતું કે રોહિતે તેને ફેસબુક પર એપ્રોચ કર્યો હતો.

રોહિત અને અનિતા એક જીમમાં જતા અને રોહિતે તેની સાથે ત્યાં ઓળખાણ કેળવી સોશ્યલ મીડિયા પર તેનો સંપર્ક કર્યો હતો.

રોહિતને ખબર પણ નહોતી કે અનિતા જાણીતી અભિનેત્રી છે, કારણકે તે ટીવી પર માત્ર સમાચાર જ જોતો.

અનિતા અને રોહિતે સાઉથ ઇન્ડિયન સ્ટાઇલમાં લગ્ન કર્યા. તેમણે 2013નાં ઑક્ટોબરમાં ગોઆમાં લગ્ન કર્યા હતા.

તે પોતાના પતિ સાથે તેરી યાદ નામનાં સોંગમાં ફિચર થઇ હતી. તેઓ સોશ્યલ મિડિયા પર પોતાના પ્રેમનો એકરાર અને અભિવ્યક્તિ કર્યા કરતા હોય છે.

હાલમાં અનિતા નાગીનની ચોથી સિઝનમાં કામ કરી રહી છે, જે એકતા કપુરે પ્રોડ્યુસ કરી છે.

હેપ્પી બર્થડે અનિતા અને ભલે તે 39ની થઇ હોય પણ લાગે છે તો એકદમ યંગ.