એશા કંસારાઃEthnic Wearમાં પરી જેવી લાગે છે આ ગુજરાતી હિરોઈન, તમે પણ કરો ફોલો

ગુજરાતી એક્ટ્રેસ એશા કંસારા ટ્રેઈન્ડ ક્લાસિલ ડાન્સર પણ છે. તે જુદી જુદી ગુજરાતી ફિલ્મો અને હિન્દી સિરિયલ્સમાં અભિનય કરતી દેખાઈ છે. એશાએ સાત વર્ષ સુધી ભરત નાટ્યમની તાલીમ લીધી છે. 

2009માં એશા કંસારાએ મિસ ગુજરાત બ્યુટી પેજન્ટમાં ભાગ લીધો હતો. 2010માં તેણે ઝી ટીવીના ડાન્સ રિયાલિટી શો ડાન્સ ઈન્ડિયા ડાન્સમાં પણ પાર્ટિસિપેટ કર્યું હતું. 

એક્ટિંગમાં એશા કંસારાએ હિન્દી સિરીયલ મુક્તિ બંધનથી ડેબ્યુ કર્યો હતો. હરકિસન મહેતાની નોવેલ પર આધારિત આ સિરીયલથી એશા કંસારાએ એક્ટિંગમાં ઝુકાવ્યું હતું. 

મુક્તિ બંધન બાદ એશા કંસારા કિચન ચેમ્પિયન, એક નનંદ કી ખુશિયોકી ચાબી, મેરી ભાભી જેવા ટેલિવિઝન શૉઝમાં કામ કરી ચૂકી છે. 

સ્મોલ સ્ક્રીન પર એશા કંસારાનો છેલ્લો શો માય નેમ ઈઝ લખન હતો. સબ ટીવી પર પ્રસારિત થયેલા આ શોમાં એશા કંસારાની સાથે બોલીવુડ એક્ટર શ્રેયસ તલપડે પણ હતો. 

ગુજરાતી ફિલ્મોમાં એશા કંસારાએ દુનિયાદારી ફિલ્મથી ડેબ્યુ કર્યો હતો. મરાઠી ફિલ્મની આ રિમેકમાં તેની સામે ગુજરાતી સુપરસ્ટાર મલ્હાર ઠાકર, આર્જવ ત્રિવેદી અને સૌનક વ્યાસ હતા.

દુનિયાદારી બાદ એશા કંસારા મલ્હાર ઠાકર સાથે જ બીજી ફિલ્મ મિજાજમાં દેખાઈ હતી. જેમાં તેમની સાથે રેવંત સારાભાઈ અને અભિનય બેન્કર લીડ રોલમાં હતા. 

મિજાજ બાદ એશા કંસારા વાંઢા વિલાસ નામની ગુજરાતી ફિલ્મમાં કામ કર્યુ ંહતું. જો કે આ ફિલ્મની ખાસ નોંધ નહોતી લેવાઈ. 

વાંઢાવિલાસ પછી ફરી એકવાર એશા કંસારાએ સિલ્વર સ્ક્રીન પર મિડાસ ગણાતા મલ્હાર ઠાકર સાથે જોડી જમાવી. આ વખતે મિડનાઈટ વિથ મેનકા નામની ફિલ્માં એશા કંસારા મલ્હાર સાથે જોવા મળી હતી. 

એશા કંસારા એક શોર્ટ ફિલ્મમાં પણ કામ કરી ચૂકી છે. ચિન્મય પરમારે ડિરેક્ટ કરેલી શોર્ટ ફિલ્મ Far Togetherમાં એશા કંસારાએ પ્રતીક રાઠોડ સાથે કામ કર્યું હતું. 

ફક્ત ગુજરાતીઓ જ નહીં દેશભરમાં એશા કંસારાની સુંદરતાના અને એક્ટિંગના ફેન્સ છે. સોશિયલ મીડિયા પર પણ તેના ફોટોઝને જબરજસ્ત લાઈક્સ મળે છે. 

ઈન્સ્ટાગ્રામ પર એશા કંસારાના 1,30,000 હજાર કરતા વધુ ફોલોઅર્સ છે. એશા પોતાના ડિફરન્ટ લૂક્સના ફોટોઝ ઈન્સ્ટા પર શૅર કરતી રહે છે. 

એશા કંસારા વેસ્ટર્ન લૂકની સાથે સાથે એથનીક વૅરમાં પણ એકદમ બ્યુટીફૂલ લાગે છે. 

એથનિક વૅરમાં એશા કંસારા એકદમ પરી જેવી લાગે છે.આ બ્લેક એન્ડ વ્હાઈટ કોમ્બિનેશન તમે પણ અપનાવી શકો છો. એશાએ આ લૂકને ઓક્સોડાઈઝ જ્વેલરીથી કમ્પલિટ કર્યો છે. 

અનારકલીના શોખીન હો તો એશા કંસારાની માફક તમે પણ આ પ્રકારનો ડ્રેસ પહેરીને એકદમ કૂલની સાથે સાથે પરંપરાગત સુંદરતા નિખારી શકો છો. 

હવે આ ફોટો વિશે તો કહેવું જ શું. એશાની આ સ્માઈલ પર ભલ ભલા લોકો ઓવારી જશે.

વધુ એક અનારકલી ડ્રેસમાં જામી રહી છે એશા કંસારા