ગુજરાતી ગણતરનું સાચું સમીકરણ એટલે આ સેલિબ્રેટેડ પ્રોડ્યુસર આનંદ પંડિત

આજે જાણીએ આનંદ પંડિતની રસપ્રદ જર્ની વિશે. આ પ્રેરણાદાયી પ્રોડ્યુસરનો ગયા વર્ષે ઉજવાયેલો બર્થડે સિતારાઓની હાજરીથી રોશન હતો. 

ગયા વર્ષના બર્થ ડે બૅશમાં ગાયક ઉદિત નારાયણ સાથે આનંદ પંડિત.

અનુ મલિક, જીતેન્દ્ર, રાકેશ રોશન અને ઉદિત નારાયણ સાથે આનંદ પંડિત.

આનંદ પંડિત બૉલીવુડની અમેઝિંગ પાર્ટીઝ થ્રો કરવા માટે જાણીતા છે. જાણીએ તેમની જર્ની આ તસવીરોમાં જે તેમની સફળતાનો બોલતો પુરાવો છે.

આનંદ પંડિત મૂળ અમદાવાદના છે અને મુંબઇના જાણીતા લોટસ ડેવલપર્સના સ્થાપક છે જે હાઇ-એન્ડ રિયલ એસ્ટેટ પ્રોજેક્ટ્સનું સુકાન સંભાળતી કંપની છે.

તેઓ પોતાની વાત કરતાં કહે છે, “ગજવામાં માત્ર દસ હજાર અને આંખોમાં અઢળક સપના લઇને હું મુંબઇ આવ્યો હતો.”

તે રિયલ એસ્ટેટને પોતાનો ફર્સ્ટ લવ કહે છે અને ફિલ્મક્ષેત્રે પ્રોડ્યુર અને ડિસ્ટ્રીબ્યુટર તરીકે ઝંપલાવવાનું કારણ આપતા તે કહે છે, “ભારતમાં લોકો માટે ફિલ્મો અને ક્રિકેટ જાણે ધર્મ સમાન છે. હું એમ કહીશ કે ભારતમાં 99 ટકા લોકોને ફિલ્મોનિયા છે અને બાકીના એક ટકા ખોટું બોલે છે.”

તેઓ ઉમેરે છે કે, “સ્ટારડમ લોકોને આકર્ષે જ અને તે સ્વાભાવિક છે. જે બાબત પ્રત્યે લોકોને આટલું આકર્ષણ હોય તેમાં શા માટે ન ઝંપલાવવું?”

તેમની વાતોમાં ભારોભાર પ્રામાણિકતાની છાંટ વર્તાય છે અને તેઓ શબ્દો ચોર્યા વિના પોતાની લાગણી સીધી દિલથી વ્યક્ત કરે છે.

તેઓ પોતાના સંઘર્ષની વાત કરતા તે ઓશો રજનિશને ટાંકતા કહે છે કે, “એક સમય હતો જ્યારે પૂર્વ યુરોપમાં પાંચ હજાર વર્ષ જુના શિલા લેખ મળ્યા જેમાં લખ્યું હતું કે પાંચસો વર્ષ પહેલાં સતયુગ હતો. એટલે કે દરેકને પોતાનો સંઘર્ષ અનેરો અને આગવો લાગે છે, પણ સંઘર્ષ બધાનો હોય જ છે.”

આનંદ પંડિત ઉમરે છે કે, “જો કે આજે તો માહિતી પણ સરળતાથી ઉપલબ્ધ હોય છે, ટેક્નોલૉજીને કારણે બધું બહુ સહેલું થઇ ગયું છે પણ પહેલાં લોકો સુધી પહોંચવું આટલું આસાન નહોતું.”

ઇન્ફર્મેશન ઇઝ પાવર એમ માનતા આનંદ પંડિતને મતે આજે લોકો પાસે વધુ રિસોર્સિઝ છે અને તે જ સાચું સશક્તિકરણ છે.

સાવ નાના પાયે અમુક મીડિયા સાથે કનેક્શન કેળવ્યાં, સબ અને ઝી જેવી કંપનીઝ સાથે નાતો કેળવ્યો અને એક તબક્કે તેઓ સબમાં ડિરેક્ટરની પદવી પર હતા.

 આનંદ પંડિત મોશન પિક્ચર્સ હેઠળ તેમણે ટોટલ ધમાલ, મિસિંગ, સરકાર 3, ગ્રેટ ગ્રાંડ મસ્તી, બાઝાર, આર્ટિકલ 375 જેવી ફિલ્મો પ્રોડ્યૂસ અને ડિસ્ટ્રીબ્યુટ કરી છે.

2000ની સાલમાં ફિલ્મ ઇન્ડસ્ટ્રીમાં પ્રવેશનારા આનંદ પંડિત પોતે એવી ફિલ્મો પ્રોડ્યુસ કરવાનું પસંદ કરે છે જેનો વિષય કંઇક અલગ હોય.

‘ઘી બિગ બુલ’ નામની તેમની આગામી ફિલ્મ જેમાં અભિષેક બચ્ચન મુખ્ય અભિનેતા છે તે ડિઝની હૉટસ્ટાર પર રિલીઝ થવાની છે. તેઓ કહે છે કે અત્યારના સંજોગોમાં જે ફિલ્મો તૈયાર છે તેને OTT પર ઑફલોડ કરવી જ શ્રેષ્ઠ ઉપાય છે. આ ફિલ્મને ગુજરાતી ટચ અપાયો છે અને ગણતર ધરાવતા ગુજરાતીઓ કેવી રીતે સફળ થાય છે તેની વાર્તા આ ફિલ્મમાં કહેવાઇ છે.

અમિતાભ બચ્ચન અને ઇમરાન હાશમીની ફિલ્મ ‘ચેહરે’ પણ આનંદ પંડિતે પ્રોડ્યુસ કરી છે જે એક સાયકોલૉજિકલ થ્રિલર છે.

તેઓ કહે છે કે ગુજરાતીઓ સ્ટ્રીટ સ્માર્ટ હોય છે અને તેમને કોઇ ખોટો અહમ નથી હોતો જે તેમની સફળતાનું કારણ બને છે.

આનંદ પંડિતને મતે, “જેના નસીબની ચિઠ્ઠી નીકળે તેનું નસીબ ઝળકે છે પણ દરેક ઇંચ વ્યક્તિએ સફળતા તરફ જ આગળ વધવું રહ્યું. આ સમજ અને ક્યારેક હતાશ થઇને અટકી ન જવાનું જોમ ઘણું બધું બદલી શકે છે.”

આનંદ પંડિત એક એવા ગુજરાતી છે જેમની લાઇફ સ્ટોરી ભલભલા માટે પ્રેરણાદાયક સાબિત થઇ શકે છે. ઓલ ધી બેસ્ટ આનંદ પંડિત...