વેબ-સિરીઝમાં યુવરાજ સિંહ જોવા નહીં મળે

Published: Feb 20, 2020, 16:47 IST | Mumbai Desk

આ વેબ-સિરીઝમાં તેનો નાનો ભાઈ ઝોરાવર દેખાશે

ક્રિકેટમાં શાનદાર પ્રદર્શન કર્યા બાદ હવે યુવરાજ સિંહ વેબ-સિરીઝમાં વાઇફ હેઝલ કિચ સાથે જોવા મળશે એવી ચર્ચા ચાલી રહી છે, પરંતુ તેણે એને નકારી કાઢી છે. આ વેબ-સિરીઝને લઈને એવી ચર્ચા ચાલી હતી કે યુવરાજનાં મમ્મી શબનમ સિંહ અને ભાઈ ઝોરાવર સિંહ એ વેબ-શો બનાવવાનાં છે. યુવરાજ અને હેઝલ પોતે પણ આ સિરીઝમાં ઍક્ટ કરવાનાં છે. આ પ્રોજેક્ટને આસામના ડ્રીમ હાઉસ પ્રોડક્શન્સ પ્રોડ્યુસ કરશે. આ વેબ-સિરીઝમાં અન્ય બૉલીવુડ ઍક્ટર્સ પણ કામ કરે એવી શક્યતા છે. એ વિશે યુવરાજનાં મમ્મી શબનમ સિંહે કહ્યું હતું કે ‘આ વેબ-સિરીઝ દ્વારા વિશ્વને રિયલ યુવરાજ સિંહ અને ઝોરાવર સિંહ જોવા મળવાના છે. વેબ-સિરીઝમાં સેન્ટ્રલ કૅરૅક્ટર તરીકે મારા નાના દીકરા ઝોરાવર પર ફોકસ કરવામાં આવશે. એક મા તરીકે મને મારા બન્ને દીકરા અને વહુ પર ગર્વ છે.’

જોકે તેની મમ્મીની આ કમેન્ટને લઈને એવું લાગી રહ્યું હતું કે યુવરાજ પણ કામ કરશે. આ વાતને અફવા ગણાવતાં યુવરાજે ટ્વીટ કર્યું હતું કે ‘અત્યારે એક સમાચાર એવા ચાલી રહ્યા છે કે હું વેબ-સિરીઝ દ્વારા મારું ડિજિટલ ડેબ્યુ કરવા જઈ રહ્યો છું, પરંતુ એ ખોટા સમાચાર છે. આ વેબ-સિરીઝમાં મારો નાનો ભાઈ ઝોરાવર જોવા મળશે, હું નહીં. મીડિયાના મારા તમામ મિત્રોને હું વિનંતી કરું છું કે તેઓ નકામી વાત પર ધ્યાન ન આપે. આભાર.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK