Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > મનોરંજન > બૉલિવૂડ સમાચાર > આર્ટિકલ્સ > બન્ને ભાઈઓની ફિલ્મને પ્રોડ્યુસ કરી હતી નાના ભાઈ રાજીવ કપૂરે

બન્ને ભાઈઓની ફિલ્મને પ્રોડ્યુસ કરી હતી નાના ભાઈ રાજીવ કપૂરે

10 February, 2021 08:35 AM IST | Mumbai
Gujarati Mid-day Correspondent | feedbackgmd@mid-day.com

બન્ને ભાઈઓની ફિલ્મને પ્રોડ્યુસ કરી હતી નાના ભાઈ રાજીવ કપૂરે

રાજીવ કપૂર

રાજીવ કપૂર


રાજીવ કપૂરનો જન્મ ૧૯૬૨ની ૨૫ ઑગસ્ટે થયો હતો. તેઓ કપૂર ફૅમિલીના સદસ્ય અને રાજ કપૂરના સૌથી નાના દીકરા હતા. તેમના ભાઈઓ રણધીર કપૂર અને રિશી કપૂરની જેમ તેઓ પણ ઍક્ટર બન્યા હતા. ૧૯૮૩માં આવેલી ‘એક જાન હૈં હમ’ દ્વારા તેમણે બૉલીવુડમાં એન્ટ્રી કરી હતી. ૧૯૮૫માં આવેલી રાજ કપૂરની ડિરેક્ટર તરીકેની છેલ્લી ફિલ્મ ‘રામ તેરી ગંગા મૈલી’માં તેમણે કામ કર્યું હતું. તેમણે આ સિવાય ઘણી ફિલ્મોમાં કામ કર્યું હતું જેમાંની ૧૯૮૪માં આવેલી ‘આસમાન’, ૧૯૮૫માં આવેલી ‘લવર બૉય’ અને ‘ઝબરદસ્ત’, ૧૯૮૮માં આવેલી ‘હમ તો ચલે પરદેશ’ને લોકોએ ખૂબ જ પસંદ કરી હતી. તેઓ ૧૯૯૦માં આવેલી ‘ઝિમ્મેદાર’માં છેલ્લી વાર ઍક્ટર તરીકે જોવા મળ્યા હતા. ત્યાર બાદ તેમણે ડિરેક્ટર અને પ્રોડ્યુસરની જવાબદારી સંભાળી હતી.

આ પણ જુઓ: રાજીવ કપૂરના અંતિમ સંસ્કારમાં પહોંચ્યાં ફ્રેન્ડ્સ અને ફૅમિલી



૧૯૯૧માં તેમણે રણધીર કપૂર દ્વારા ડિરેક્ટ કરવામાં આવેલી ‘હિના’ને પ્રોડ્યુસ કરી હતી. ૧૯૯૬માં તેમણે કમર્શિયલી નિષ્ફળ ફિલ્મ ‘પ્રેમ ગ્રંથ’ને ડિરેક્ટ કરી હતી. આ ફિલ્મમાં રિશી કપૂર અને માધુરી દીક્ષિતે કામ કર્યું હતું. ૧૯૯૯માં રિશી કપૂર દ્વારા ડિરેક્ટ કરવામાં આવેલી ‘આ અબ લૌટ ચલે’ને તેમણે પ્રોડ્યુસ કરી હતી. ૨૦૦૧માં તેમણે આરતી સભરવાલ સાથે લગ્ન કર્યાં હતાં. તેમને બૉલીવુડમાં ચિમ્પુના નામથી ઓળખવામાં આવતા હતા. તેમને અટૅક આવતાં રણધીર કપૂર તેમને મુંબઈની ઇનલેક હૉસ્પિટલમાં લઈ ગયા હતા જ્યાં તેમને ડૉક્ટર દ્વારા મૃત જાહેર કરવામાં આવ્યા હતા.


Whatsapp-channel Whatsapp-channel

10 February, 2021 08:35 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK