વરુણ ધવન અને નતાશા દલાલ 24 જાન્યુઆરીએ કરશે લગ્ન?
વરુણ ધવન અને નતાશા દલાલ
વરુણ ધવન અને તેની લૉન્ગ-ટાઇમ ગર્લફ્રેન્ડ નતાશા દલાલ 24 જાન્યુઆરીએ લગ્ન કરશે એવી શક્યતા છે. મળેલી માહિતી પ્રમાણે તેમણે અલીબાગમાં 5 સ્ટાર હોટેલ બુક કરી છે. કોરોના વાઇરસના જોખમને કારણે લગ્નમાં નજીકના ફૅમિલી અને ફ્રેન્ડ્સને જ ઇન્વાઇટ કરવામાં આવશે. જોકે ફૅમિલી કે વરુણ તરફથી હજી સુધી કોઈ નિવેદન નથી આપવામાં આવ્યું. વરુણ અને નતાશા એકબીજાને સ્કૂલના સમયથી ઓળખે છે. વરુણે તાજેતરમાં જ કહ્યું હતું કે તેને સતત આ એક જ સવાલ પૂછવામાં આવે છે કે તે ક્યારે લગ્ન કરશે. જોકે 2020માં જ તેમનાં લગ્ન થવાનાં હતાં, પરંતુ કોરોનાએ તેમનાં લગ્ન પર ગ્રહણ લગાવી દીધું હતું. આપણે તો એટલું જરૂર કહીશું કે તેઓ જલદી જ પોતાની લાઇફની આ નવી જર્નીને શરૂ કરે.
