અભિનવ જશે સીક્રેટ રૂમમાં?
અભિનવ જશે સીક્રેટ રૂમમાં?
કલર્સ ચૅનલના રિયલિટી શો ‘બિગ બૉસ’માંથી ગઈ કાલે રાતે રુબિના દિલેકના હસબન્ડ અભિનવ શુક્લને બધાએ વોટ-આઉટ કર્યો, જેને લીધે તે હવે શોમાંથી બહાર થયો છે, પણ અભિનવ જેવો શોમાંથી બહાર થયો કે તરત જ સોશ્યલ મીડિયા પર ટ્રેન્ડ થવા માંડ્યું કે અભિનવને સીક્રેટ રૂમમાં મોકલીને તેને આખી ગેમ દેખાડવામાં આવે છે. આ શક્યતા સાવ તો ખોટી નથી જ, પણ સાથોસાથ ચૅનલ અને શોના મેકર્સનું કહેવું છે કે અભિનવને કોઈ સીક્રેટ રૂમમાં મોકલવામાં નથી આવ્યો, પણ તેને સલમાન ખાનના દિવસ એટલે કે ‘વીક-એન્ડ કા વાર’ સુધી મીડિયાને મળવાની મનાઈ ફરમાવવામાં આવી છે.
‘બિગ બૉસ’ની આ ૧૪મી સીઝન હવે અંતિમ ચરણમાં છે. શોને હવે બે જ વીક બાકી છે. આ બે વીક દરમ્યાન કુલ ૩ જણને કાઢવામાં આવશે અને એ પછી ફાઇનલ રાઉન્ડની શરૂઆત થશે.
