Video:પ્રેમ ગઢવીને કેમ આવ્યો વાસણ ઘસવાનો વારો ?

અમદાવાદ | May 16, 2019, 15:02 IST

જાણીતા ગુજરાતી એક્ટર પ્રેમ ગઢવીએ તાજેતરમાં જ સોશિયલ મીડિયા પર એક વીડિયો પોસ્ટ કર્યો છે. આ વીડિયો જોઈને પ્રેમ ગઢવીના ફેન્સ ચોંકી ઉઠ્યા છે.

Video:પ્રેમ ગઢવીને કેમ આવ્યો વાસણ ઘસવાનો વારો ?
પ્રેમ ગઢવી (File Photo)

જાણીતા ગુજરાતી એક્ટર પ્રેમ ગઢવીએ તાજેતરમાં જ સોશિયલ મીડિયા પર એક વીડિયો પોસ્ટ કર્યો છે. આ વીડિયો જોઈને પ્રેમ ગઢવીના ફેન્સ ચોંકી ઉઠ્યા છે. વીડિયોમાં છે જ કંઈક એવું કે ફેન્સ સવાલો કરી રહ્યા છે. આ વીડિયોમાં પ્રેમ ગઢવી વાસણ ઘસતા દેખાઈ રહ્યા છે. જી હાં, પોલમપોલ, વિટામીન શી, ઓર્ડર ઓર્ડર આઉટ ઓફ ઓર્ડર જેવી ફિલ્મોના એક્ટર પ્રેમ ગઢવીએ એક વીડિયોમાં વાસણ ઘસી રહ્યા છે. આ જ વીડિયો બાદ ફેન્સને સવાલ થઈ રહ્યો છે કે આખરે આ ટેલેન્ટેડ એક્ટરને વાસણ ઘસવાનો વારો કેમ આવ્યો ?

આ સવાલનો જવાબ ખુદ પ્રેમ ગઢવી આપ્યો છે. ગુજરાતી મિડ ડે ડોટ કોમ સાથેની વાતચીતમાં પ્રેમ ગઢવીએ ખુલાસો કર્યો કે તેમણે શા માટે વાસણ ઘસવા પડ્યા. જો કે એ પહેલા તમે આ વીડિયો જોઈ લો.

પ્રેમ ગઢવીએ ગુજરાતી મિડ ડે ડોટ કોમ સાથે વાત કરતા કહ્યું કે,'ઘરનું કોઈ કામ માત્ર મહિલાઓની જ જવાબદારી નથી. એ સહિયારી જવાબદારી છે. વેકેશનનો સમય છે. ત્યારે ઘરની મહિલા સભ્યોને પણ વેકેશન મળવું જોઈએ. વેકેશનમાં કોઈ ઘરે ન હોય ત્યારે કામ કરવાની આપણી ફરજ છે.'

તો વર્ક ફ્રંટની વાત કરીએ તો પ્રેમ ગઢવી સૌમ્ય જોશીના હિટ નાટક '102 નોટ આઉટ'માં કામ કરી રહ્યા છે. સાથે જ સૌમ્ય જોશીના નવા નાટક 'યુનાઈટેડ સ્ટેટ ઓફ પાડાની પોળ'માં પણ કામ કરી રહ્યા છે. આ ઉપરાંત અપકમિંગ ગુજરાતી ફિલ્મ 'હીર'ના ડાઈલોગ્સ લખી રહ્યા છે. સાથે જ દોડપકડ, એકડેએક, કલાકાર નામની તેમની ફિલ્મો પણ આ વર્ષે રિલીઝ થવાની છે. પ્રેમ ગઢવી આ વર્ષે મરાઠી ફિલ્મ ઈન્ડસ્ટ્રીમાં પણ ડેબ્યુ કરી રહ્યા છે. 'ઓહ માય ઘોસ્ટ' નામની મરાઠી ફિલ્મથી પ્રેમ મરાઠી ઈન્ડસ્ટ્રીમાં એન્ટ્રી કરી રહ્યા છે. સાથે જ દૂરદર્શન પર મિશન મનોરંજન નામનો ટેલિફોનિક શો પણ તેઓ હોસ્ટ કરે છે.

 
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK