સાથ નિભાના સાથિયા ફેમ અનંતને ગુજરાતી કોણે શીખવ્યું?
હર્ષ નાગર
સ્ટાર પ્લસની ‘સાથ નિભાના સાથિયા’માં ગુજરાતી મોદીપરિવારની વાત છે અને ગયા અઠવાડિયે શરૂ થયેલી સેકન્ડ સીઝનમાં પણ એ જ મોદીપરિવારની વાતને આગળ વધારવામાં આવી છે. સેકન્ડ સીઝનમાં અનંત અને ગહેનાની લવ-સ્ટોરી દેખાડવામાં આવી છે. અનંત મોદીનું કૅરૅક્ટર હર્ષ નાગર કરે છે. હર્ષ નૉન-ગુજરાતી છે અને સિરિયલ માટે ગુજરાતી આવશ્યક છે, જે શીખવા માટે હર્ષે બીજા કોઈની નહીં, પણ તેની વાઇફ તન્વીની હેલ્પ લીધી અને તન્વીએ જ તેને ગુજરાતી
શીખવ્યું. હર્ષ કહે છે, ‘તન્વી વડોદરાની છે અને ગુજરાતી ફૅમિલીમાંથી જ છે. તન્વી આજે પણ તેની ફૅમિલી સાથે ગુજરાતીમાં જ વાત કરે છે એટલે મને જેકોઈ સ્પેસિફિક ગુજરાતી શબ્દો સમજવા હતા અને નાનાં કહેવાય એવાં ગુજરાતી વાક્યો બોલવાં હતાં એ બધાં માટે તેની પાસે ટ્રેઇનિંગ લીધી.’
તન્વી ગ્રાફિક-ડિઝાઇનર છે અને ૨૦૦૮માં તે મિસ ઇન્ડિયા અર્થ પણ બની હતી. જોકે મૅરેજ પછી તેણે કરીઅર પર ધ્યાન આપવાને બદલે ફૅમિલી પર ધ્યાન આપ્યું.તન્વીએ માત્ર હર્ષને ગુજરાતી ભાષા શીખવવાનું જ નહીં, ગુજરાતી કહેવતો અને ગુજરાતીના જાણીતા તકિયા કલામ શીખવવાનું કામ પણ કર્યું છે.
