મિડિયા-શાઈ શ્રીદેવી
શ્રીદેવીએ પંદર વર્ષ પહેલાં તેની છેલ્લી બૉલીવુડની ફિલ્મમાં કામ કર્યું હતું. ત્યાર બાદ તેણે કામ કરવાનું બંધ કરી દીધું અને પ્રસારમાધ્યમો સાથેના તમામ સંબંધો કાપી નાખ્યા હતા. હવે શ્રીદેવીની કમબૅક ફિલ્મ ‘ઇંગ્લિશ વિંગ્લિશ’ રિલીઝ થવાની છે ત્યારે એના પ્રચાર માટે મિડિયા-શાઈ શ્રીદેવીએ પત્રકારોના સવાલોનો જવાબ તો આપવો પડે છે, પણ આ માટે તેણે નવો ઉપાય અજમાવી લીધો છે. શ્રીદેવી પોતાના તમામ સવાલોના જવાબ ફિલ્મની ડિરેક્ટર ગૌરી શિંદેની દોરવણી હેઠળ જ આપે છે.
આ મુદ્દે વાત કરતાં ફિલ્મ સાથે સંકળાયેલી એક વ્યક્તિ કહે છે, ‘હાલમાં શ્રીદેવીએ પોતાની ફિલ્મના પ્રચાર માટે એક ટીવી-ઇન્ટરવ્યુ આપવાનો હતો. પહેલાં તો શ્રીદેવીએ ઍડ્વાન્સમાં તેને જ સવાલો પૂછવામાં આવશે એ જાણી લીધું અને પછી એ સવાલો ગૌરીને બતાવીને એ પ્રમાણે જવાબો તૈયાર કરી નાખ્યા. ઇન્ટરવ્યુ વખતે પણ તે સતત ગૌરી સામે જોઈને પોતાના જવાબો સાચા છે કે નહીં એ વાતની ચકાસણી કરી લેતી હતી.’
વાંચો શ્રીદેવી વિશેના વધુ અહેવાલો
ADVERTISEMENT