સહી બને હૈં
અંગૂરીભાભી અને તિવારી જ્યારે રામ અને સીતાના ગેટઅપમાં આવ્યાં
એન્ડ ટીવીના શો ‘ભાભીજી ઘર પર હૈં’માં ચાલી રહેલા નવરાત્રિ સ્પેશ્યલમાં અંગૂરીભાભી અને તિવારીભૈયા રામ અને સીતા બનવાનાં છે અને એ ડ્રીમ સીક્વન્સ સૌકોઈને હસાવી-હસાવીને લોટપોટ કરી દેવાની છે. બન્યું એમાં એવું છે કે તિવારીભૈયાને રાવણ દહન માટે પરમિશન મળવાથી હવે તેને ચોવીસ કલાક રામ ભગવાનનાં સપનાં આવી રહ્યાં છે અને આ સપનામાં તેને સતત અંગૂરીભાભી દેખાય છે તો સામે પક્ષે અંગૂરીભાભીના આશિક એવા વિભૂતિને તિવારી ભૈયા રાવણ તરીકે જુએ છે. રાવણ અને રામના આ યુદ્ધમાં ક્યાંય ઐતિહાસિક પરંપરા નથી પણ બન્ને આજના સમયના કજિયાની જેમ જ વર્તે છે. આ સીન શૂટ કરતી વખતે જ નહીં પણ અંગૂરીભાભી અને તિવારીભૈયા બન્ને રામ-સીતાના ગેટઅપમાં આવ્યાં એ જ સમયથી સૌકોઈને હસવું આવતું હતું.
યુનિટના એકેક મેમ્બર આ રામસીતાને જોઈને હસતા હતા અને બધાને એવું લાગે છે કે આ જે ટ્રૅક છે એ ટ્રૅક સિરિયલનો અત્યાર સુધીનો સૌથી હિટ ટ્રૅક પુરવાર થવાનો છે.
