મેરા પતિ સિર્ફ મેરા હૈ

Published: Nov 29, 2019, 11:06 IST | Mumbai

‘તેરા ક્યા હોગા આલિયા?’માં પોતાનું અવસાન નક્કી છે એવું ધારીને આલિયાએ આલોકની એન્ગેજમેન્ટ તારા સાથે કરાવી દીધી પણ પછી ખબર પડી કે એને કશું થવાનું નથી એટલે હવે પતિ પાછો મેળવવાની એની લડત શરૂ થશે.

શું થશે તેરા ક્યા હોગા આલિયામાં?
શું થશે તેરા ક્યા હોગા આલિયામાં?

સબ ટીવી પર આવી રહેલી રોમેન્ટિક કોમેડી ‘તેરા ક્યા હોગા આલિયા?’માં આગામી દિવસોમાં ગજબનાક ટ્વિસ્ટ જોવા મળવાનો છે. આલિયાને એવી ખબર પડે છે કે એનું મોત હાથવેંતમાં છે અને એટલે એ આલોક અને તારાની સગાઈ કરાવી દે છે પણ આ સગાઈ પછી હવે આલિયાને ખબર પડે છે કે એનો જીવ અકબંધ છે અને એને કશું નથી થવાનું એટલે એ ભાંગી પડે છે. જોકે એ પછી તે તારાને સમજાવવાની કોશિશ કરે છે પણ તારા હવે આ રિલેશન તોડવા રાજી નથી એટલે હવે આલિયા કોઈ પણ ભોગે તારા અને આલોકના રિલેશન તોડાવા માંગે છે, આ જ દરમ્યાન તારાનું એક્સિડન્ટ થાય છે અને એ એક્સિડન્ટમાં તારા પોતાની યાદદાસ્ત ખોઈ બેસે છે.
અહીંથી વાર્તા એક સાથે ત્રણ દિશામાં ભાગવાની શરૂ થાય છે. એક તરફ આલોક તારાની યાદદાસ્ત પાછી લાવવા મથે છે તો બીજી તરફ આલિયા તારા અને આલોકને દૂર કરવાનો પ્રયાસ કરે છે અને ત્રીજી તરફ તારા પણ શંકાસ્પદ હિલચાલ શરૂ કરે છે. જોવાનું એ છે કે હવે તારા અને આલિયાની આ જંગનું પરિણામ શું આવે છે અને આલોક કોની કુંડળીમાં ઉમેરાય છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK