દિલીપ જોષીએ પીપીઈ કિટ શું કામ પહેરવી પડી?
દિલીપ જોષીએ પીપીઈ કિટ શું કામ પહેરવી પડી?
દિલીપ જોષી એટલે કે જેઠાલાલે આ ગણેશોત્સવ દરમ્યાન શું કર્યું એ જાણવું હોય તો તમારે ‘તારક મેહતા કા ઉલ્ટા ચશ્મા’ જોવી પડશે. એ સિરિયલમાં આવનારા ગણેશ મહોત્સવના કાર્યક્રમમાં બબીતા અને ઐયરનો ડાન્સ જોવા મળવાનો છે તો એની સાથોસાથ પોપટલાલ અને ગોકુલધામ સોસાયટીનાં બાળકોનો પર્ફોર્મન્સ પણ જોવા મળશે, પરંતુ આ બધા પર્ફોર્મન્સમાં જો તમારું દિલ જીતી લે એવો પર્ફોર્મન્સ કોઈનો હોય તો એ છે જેઠાલાલનો પર્ફોર્મન્સ. જેઠાલાલે ગણેશ મહોત્સવમાં કોવિડથી રક્ષણ આપે એવી પીપીઈ કિટ પહેરીને પર્ફોર્મન્સ આપ્યું છે. ‘ઇતની શક્તિ હમેં દેના દાતા...’ સૉન્ગ પર પર્ફોર્મન્સ આપી જેઠાલાલે વિઘ્નહર્તાને જલલદીથી આ કોવિડમાંથી સૃષ્ટિને મુક્તિ મળે એ માટે યાચના કરી છે, તો સાથોસાથ જેઠાલાલે સૌકોઈને સલામતી જાળવવા માટેનું સૂચન પણ કર્યું છે.
‘તારક મેહતા કા ઉલ્ટા ચશ્મા’માંથી તાજેતરમાં બે કલાકારોએ એક્ઝિટ લીધી એ પછી હવે સિરિયલને નવેસરથી ટ્રૅક પર લાવવા માટે પ્રોડક્શન-હાઉસ અને ચૅનલ તનતોડ મહેનત કરે છે. ગણેશ મહોત્સવના આ કાર્યક્રમ માટે પણ ટીમે એકધારા ત્રણ દિવસ રિહર્સલ્સ કર્યાં હતાં.
