વર્ચ્યુઅલ ડિવૉર્સ...
વર્ચ્યુઅલ ડિવૉર્સ...
અભિષેક બચ્ચનને લઈને ‘બ્લફમાસ્ટર’ ફિલ્મ બનાવનાર ડિરેક્ટર રોહન સિપ્પીએ ઍમેઝૉન પ્રાઇમ વિડિયો માટે ‘વકાલત ફ્રૉમ હોમ’ નામનો શો બનાવ્યો છે. ૧૦ સપ્ટેમ્બરે રિલીઝ થનારા આ કૉમેડી શોમાં લૉકડાઉન દરમ્યાન થતા વર્ચ્યુઅલ ડિવૉર્સની વાત કરવામાં આવી છે. સુજીન (સુમીત વ્યાસ) અને રાધિકા (નિધિ સિંહ) ડિવૉર્સ લેવા માગે છે અને એ દરમ્યાન લૉકડાઉન જાહેર થાય છે. આ કપલનો મામલો ક્રિટિકલ હોવાથી તેમની કોર્ટ હિયરિંગ ઝૂમ કૉલ પર કરવામાં આવે છે. બધી દલીલો વિડિયો-કૉલ મારફત થાય છે અને એ દરમ્યાન ભારે કૉમેડી સર્જાય છે. સુમીત વ્યાસ અને નિધિ સિંહ અગાઉ ટીવીએફની પૉપ્યુલર સિરીઝ ‘પર્મનન્ટ રૂમમૅટ્સ’માં સાથે જોવા મળ્યાં છે. ‘વકાલત ફ્રૉમ હોમ’માં સુમીત અને નિધિ ઉપરાંત, કુબ્રા સેઇત, ગોપાલ દત્ત, અનુવાબ પાલ, દીપેશ ભુજલ, આકર્ષ ખુરાના વગેરે ઍક્ટર્સ પણ છે.