હ્યુમન કમ્પ્યુટર શકુંતલા દેવીનાં પાત્રને લઈને ખૂબ જ ઉત્સાહિત છે વિદ્યા બાલન

મુંબઈ | May 09, 2019, 11:57 IST

વિદ્યા બાલન તેની આગામી ફિલ્મમાં ‘હ્યુમન કમ્પ્યુટર’ શકુંતલા દેવીનું પાત્ર ભજવવા માટે ખૂબ જ ઉત્સાહિત છે.

હ્યુમન કમ્પ્યુટર શકુંતલા દેવીનાં પાત્રને લઈને ખૂબ જ ઉત્સાહિત છે વિદ્યા બાલન
વિદ્યા બાલન

વિદ્યા બાલન તેની આગામી ફિલ્મમાં ‘હ્યુમન કમ્પ્યુટર’ શકુંતલા દેવીનું પાત્ર ભજવવા માટે ખૂબ જ ઉત્સાહિત છે. મૅથેમૅટિક્સ જીનિયસ શકુંતલા દેવીને તેમની ઝડપથી ગણતરી કરી શકવાની સ્કિલને કારણે ‘હ્યુમન કમ્પ્યુટર’ નામ આપવામાં આવ્યું હતું. ‘લંડન, પૅરિસ, ન્યુ યૉર્ક’ અને વેબ-સિરીઝ ‘ફોર મોર શૉટ્સ પ્લીઝ!’નો ડિરેક્ટર અનુ મેનન આ ફિલ્મને ડિરેક્ટ કરી રહ્યો છે. આ વિશે વિદ્યાએ કહ્યું હતું કે ‘મોટી સ્ક્રીન પર ‘હ્યુમન કમ્પ્યુટર’ શકુંતલા દેવીનું પાત્ર ભજવવા માટે હું ખૂબ જ ઉત્સાહિત છું. તેઓ તેમના વ્યક્તિત્વને ખૂબ જ પસંદ કરતાં હતાં. તેઓ ફેમિનિઝમને લઈને હંમેશાં તેમનો અવાજ ઉઠાવતાં અને તેમણે જે સફળતા મેળવી છે ત્યાં સુધી પહોંચવા માટે તેમણે ઘણી બાબતોનો વિરોધ પણ કર્યો છે.

આ પણ વાંચો : Brahmastra:કેમ આલિયા ભટ્ટે રણબીર કપૂરનો વીડિયો બનાવ્યો ?

જોકે મને તેમની સૌથી વધુ વાત એ ગમે છે કે તેઓ મૅથ્સ સાથે જોડાયાં હોવા છતાં ખૂબ જ ફની હતાં. મને ખુશી છે કે વિક્રમ, જેની સાથે મેં ‘કહાની’માં કામ કર્યું હતું, તે તેની ટીમ સાથે આ ફિલ્મને પ્રોડ્યુસ કરી રહ્યો છે. આપણા દેશની સૌથી પ્રેરણાદાયી મહિલાઓમાંની એક વ્યક્તિની સ્ટોરીને પડદા પર સાકાર કરવાની મને, અનુ મેનન અને વિક્રમને ખુશી છે.’

 
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK