ડિરેક્ટરને વિદ્યાની ગુગલી

Published: 7th October, 2011 19:58 IST

બૉલીવુડના લગભગ બધા સુપરસ્ટાર એક નહીં તો બીજી બાબતે અમુક અંધશ્રદ્ધાઓને અનુસરતા જોવા મળ્યા છે. વિદ્યા બાલન પણ આવા જ એક નિયમને અનુસરવા અડગ લાગી રહી છે. વિદ્યા માને છે કે જાન્યુઆરીમાં તેનો જન્મદિવસ આવતો હોવાને કારણે આ મહિનો તેના માટે સૌથી વધુ ગુડલક લાવનારો બની રહે છે. આ કારણે જ તેણે પોતાની આગામી ફિલ્મ ‘કહાની’ના ડિરેક્ટર સુજૉય ઘોષ (‘ઝંકાર બીટ્સ’ અને ‘અલાદીન’ના દિગ્દર્શક)ને ફિલ્મની રિલીઝ જાન્યુઆરી સુધી ટાળવા માટે મનાવ્યા છે.

 

 

પોતાના જન્મદિવસનો મહિનો નસીબદાર ગણતી હોવાથી ‘કહાની’ની રિલીઝ તેણે જાન્યુઆરી સુધી ડિલે કરાવી

સુજૉય ઘોષ પહેલાં ફિલ્મને આ મહિના દરમ્યાન રિલીઝ કરવા માગતા હતા, કારણ કે દુર્ગાપૂજાનો તહેવાર આ ફિલ્મના બૅકડ્રૉપમાં છે અને અત્યારે આ તહેવાર ચાલતો હોવાને કારણે તે ફિલ્મને રિલીઝ કરવા માટે ઉત્સુક હતા. જોકે વિદ્યાએ પહેલાંથી જ આ મહિના દરમ્યાન ફિલ્મને રિલીઝ ન થવા દેવાની વાત કહી દીધી હતી. આ વર્ષે જાન્યુઆરીમાં આવેલી ‘નો વન કિલ્ડ જેસિકા’ની સફળતાને કારણે વિદ્યા માને છે કે આ મહિનો તેના માટે ઘણો નસીબદાર છે.

‘કહાની’ એક મહિલાના જીવનને કેન્દ્રમાં રાખીને બનાવવામાં આવેલી ફિલ્મ છે અને આખી ફિલ્મનો ભાર વિદ્યા પર રહેલો છે. વિદ્યા માટે આ ફિલ્મ પહેલી સોલો લીડ ફિલ્મ હશે. આજ સુધીની તેની બધી ફિલ્મમાં હીરો અથવા બીજી હિરોઇન અચૂક હાજર હોય છે, પણ આ ફિલ્મમાં એવું કશું નહીં હોય. આ કારણે જ તે ઇચ્છે છે કે ફિલ્મની સફળતાને કોઈ મુશ્કેલી ન આવે અને તેણે રિલીઝ જાન્યુઆરી સુધી લંબાવી છે.

Loading...
 

સંબંધિત સમાચાર

     
    This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK