URI જોયા પછી નેવીમાં જોડાયો એક વ્યક્તિ, વિકી કૌશલે શેર કરી આ નોટ
ઉરી ધ સર્જિકલ સ્ટ્રાઇક
કહેવામાં આવે છે કે સિનેમા સમાજનો અરીસો હોય છે અને સિનેમાનો સમાજ પર પ્રભાવ પડે છે. તાજેતરમાં જ આ વાત સત્ય પુરવાર થઈ છે. એક વ્યક્તિએ સર્જિકલ સ્ટ્રાઇક પર બનેલી ફિલ્મ 'ઉરી-ધ સર્જીકલ સ્ટ્રાઇક' જોઈને સેનામાં જવાનો નિર્ણય કર્યો છે. ફિલ્મમાં સ્ટાર વિકી કૌશલે એ વાતની માહિતી આપી છે અને તેણે પોતાના ચાહકે મોકલેલા આ પત્રને સોશિયલ મીડિયા પર પોસ્ટ કર્યો છે. અભિનેતા તરફથી શેર કરેલા પત્રમાં ચાહકે જણાવ્યું કે ફિલ્મ ઉરી જોઈને પ્રભાવિત થયો અને આર્મીમાં જોડાવાનો નિર્ણય કર્યો છે.
ADVERTISEMENT
વિકી કૌશલે આ પત્ર શેર કરતાં લખ્યું કે, "આ જ અમારા બધાં પ્રયત્નોને સફળ બનાવે છે. મિત્રને શુભેચ્છાઓ. જય હિન્દ." વિકી કૌશલે પોતાના ઇન્સ્ટાગ્રામ પર આ બાબતની માહિતી આપી છે. તેની સાથે જ ચાહકે મોકલેલા પત્રમાં લખ્યું છે કે, "હું ભારતીય નૌસેના અકાદમીમાં સામેલ થવા જઈ રહ્યો છું. આ મહિનાની 15 તારીખથી 4 વર્ષ માટે શરૂ થશે અને તેના પછી એક અધિકારી તરીકે મને ભારતીય નૌસેનામાં તહેનાત કરવામાં આવશે."
સાથે જ તેણે કહ્યું કે "તમારી ફિલ્મે મને સેનામાં સામેલ થવા માટે પ્રેરણા આપી છે અને હું તે જ અનુભવું છું કે મારા જેવા અન્ય લોકો પણ આ રીતે જ પ્રેરિત થયા હશે. આવી ફિલ્મો બનાવવા માટે તમારો આભાર, જે હંમેશાં તમારા મગજમાં રહેશે. મારો આ પ્રવાસ શરુ કરવા અને આ સમાચાર તમારા સુધી પહોંચાડવા માગું છું કારણકે ઉરી જોવાને કારણે મને પ્રેરણા મળી છે."
આ પણ વાંચો : જાણો આજ-કાલ શું કરી રહ્યા છે 'હમ પાંચ'ના કલાકારો?
જો કે હવે વિકી કૌશલના ઇન્સ્ટાગ્રામ પરથી આ સ્ટોરી હટી ગઈ છે, જે તેણે શેર કરી હતી. પણ સોશિયલ મીડિયા પર તેના સ્ક્રીન શોટ શેર થઈ રહ્યા છે. જણાવીએ કે વિકી કૌશલની ફિલ્મના ન તો ફક્ત વખાણ કરવામાં આવ્યા હતા પણ તેની સાથે ફિલ્મ ઉરીએ બૉક્સ ઑફિસ પર પણ કમાલ દર્શાવ્યો હતો અને તે 200 કરોડના ક્લબમાં સામેલ થઈ હતી.
