કૉમેડી કરતાં પણ હૉરર ફિલ્મ ખૂબ જ મુશ્કેલ : વિકી કૌશલ

સોનિલ દેઢિયા | Mar 12, 2019, 09:33 IST

વિકી કૌશલનું કહેવું છે કે કૉમેડી કરતાં પણ હૉરર ફિલ્મ કરવી ખૂબ જ મુશ્કેલ છે.

કૉમેડી કરતાં પણ હૉરર ફિલ્મ ખૂબ જ મુશ્કેલ : વિકી કૌશલ
વિકી કૌશલ

વિકી કૌશલની ‘મનમર્ઝિયા’ રોમૅન્ટિક સાગા હતી, ‘લસ્ટ સ્ટોરીઝ’ કૉમિક હતી અને ‘ઉરી : ધ સર્જિકલ સ્ટ્રાઇક’ મિલિટરી ડ્રામા હતી. તે હવે ભૂમિ પેડણેકર સાથે હૉરર ફિલ્મનું શૂટિંગ કરી રહ્યો છે. આ ફિલ્મની મુશ્કેલીઓ વિશે વાત કરતાં વિકીએ કહ્યું હતું કે ‘હું હંમેશાંથી કૉમેડીને ખૂબ જ મુશ્કેલ ફિલ્મ સમજતો હતો, કારણ કે લોકોને હસાવવું સહેલું નથી. આ માટે તમારું ટાઇમિંગ ખૂબ જ પર્ફેક્ટ હોવું જોઈએ. જોકે હું હમણાં હૉરર ફિલ્મનું શૂટિંગ કરી રહ્યો છું. મને હવે ખબર પડી કે આ પ્રકારની ફિલ્મો કેટલી મુશ્કેલ છે. આ કૉમેડી કરતાં ખૂબ જ મુશ્કેલ છે. ઘણી વાર એવું બનતું કે હું કૅમેરાને જોઈને એક્સપ્રેશન આપી રહ્યો હતો અને ભૂત ત્યાં હાજર સુધ્ધાં નહોતું. આ કેસમાં ઇમોશન બહાર લાવવા મુશ્કેલ બની જાય છે.’

આ પણ વાંચો : સરદાર પટેલના જીવન પરથી બનશે વેબ-સિરીઝ

ફિલ્મના શૂટિંગ દરમ્યાન શૉટ વિશે વાત કરતાં વિકીએ કહ્યું હતું કે ‘હું મોટા ભાગે મારા ડિરેક્ટરને બૅકગ્રાઉન્ડમાં કેવા મ્યુઝિકનો ઉપયોગ થવાનો છે એ વિશે પૂછું છું, કારણ કે એ મુજબ હું મારા એક્સપ્રેશન તૈયાર કરું છું. શૉટ આપ્યા બાદ હું મોનિટર પર મારા એક્સપ્રેશન મોટા ભાગે ચેક નથી કરતો. જોકે આ ફિલ્મમાં હું દરેક દૃશ્યનું શૂટ કરીને મારા એક્સપ્રેશનને ચેક કરતો હતો.’

 
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK