હૉલીવુડની ફિલ્મ ૩૦૦ની બેઠ્ઠી નકલ બદલાપુરનો ફર્સ્ટ લુક
‘હિરોઇન’, ‘કાઇટ્સ’, ‘ગજની’, ‘હૅપી ન્યુ યર’ જેવી અનેક ફિલ્મો વિશે હૉલીવુડમાંથી સીધેસીધા ઉતારા-નકલની ચર્ચા સાંભળવા મળે છે. ફિલ્મ ‘હિરોઇન’ના કિસ્સામાં બુક-કવરની નકલ જોવા મળી હતી. આ ઉઠઠંતરીમાં એન્ટ્રી વરુણ ધવનની ‘બદલાપુર’ની છે.
થોડા દિવસ પહેલાં વરુણ ધવનની ‘બદલાપુર’ ફિલ્મનો ફર્સ્ટ લુક બહાર પાડવામાં આવ્યો. એમાં વરુણ ધવન એક ડાર્ક રોલ ભજવે છે અને ફર્સ્ટ લુક-પોસ્ટર એ રોલને પૂરેપૂરો ન્યાય આપે છે. એમાં વરુણ ધવન દાંત કાઢીને ઘુરકિયાં કરતો જોવા મળે છે. એ જોતાં જ જાણકારોને વર્ષ ૨૦૦૭માં હૉલીવુડમાં બનેલી ફિલ્મ ‘૩૦૦’ યાદ આવે. એ ફિલ્મના પોસ્ટરમાં દેખાતા જેરાર્ડ બટલરના ચહેરાના હાવભાવ સાથે ‘બદલાપુર’ના પોસ્ટરમાં વરુણ ધવનના હાવભાવ પૂરેપૂરા મળતા આવે છે.
શ્રીરામ રાઘવને ડિરેક્ટ કરેલી આ ફિલ્મમાં વેર વાળવાની કથા છે. આ ફિલ્મ ઘણા વખતથી સમાચારોમાં ચમકે છે. ફિલ્મમાં યામી ગૌતમ, હુમા કુરેશી અને દિવ્યા દત્તાએ મહત્વની ભૂમિકાઓ ભજવી છે.
ADVERTISEMENT
