ડાન્સર્સની વહારે આવ્યો વરુણ ધવન

વરુણ ધવન હાલમાં ડાન્સર્સની વહારે આવ્યો છે. કોરોના વાઇરસને કારણે પરિસ્થિતિ દિવસે-દિવસે ખરાબ થતી જાય છે. જોકે અનલૉકને કારણે કામ ધીમે-ધીમે શરૂ થઈ રહ્યું છે. લૉકડાઉન દરમ્યાન વરુણે પ્રાઇમ મિનિસ્ટર્સ ફન્ડ, ચીફ મિનિસ્ટર્સ ફન્ડ અને ડેઇલી વેજિસ વર્કર્સને નાણાકીય મદદ કરી હતી. જોકે ફિલ્મોનું કામ પૂરજોશમાં શરૂ ન થતાં હવે બૉલીવુડના ડાન્સર્સને પણ તકલીફ પડી રહી છે. વરુણે તેની અગાઉની ફિલ્મમાં જેટલા ડાન્સર્સ સાથે કામ કર્યું હતું એમાંના કેટલાકને તેણે મદદ કરવાનો નિર્ણય લીધો છે. વરુણે જરૂરિયાતમંદ કેટલાક ડાન્સર્સના બૅન્ક-અકાઉન્ટમાં પૈસા પણ ટ્રાન્સફર કરી દીધા છે અને તે દર મહિને મદદ કરશે.