શશાંક ખૈતાન સાથે ફરી એક વાર કામ કરવાની જાહેરાત કરી વરુણ ધવને
વરુણ ધવને જણાવ્યું છે કે તે શશાંક ખૈતાન સાથે ફરી કામ કરવાનો છે. શશાંકે ‘હમ્પ્ટી શર્મા કી દુલ્હનિયા’ અને ‘બદરીનાથ કી દુલ્હનિયા’ ડિરેક્ટ કરી હતી. આ બન્ને ફિલ્મમાં વરુણે કામ કર્યું હતું. તે હવે ફરી એક વાર તેની સાથે કરણ જોહરના પ્રોડક્શન હેઠળ બની રહેલી ફિલ્મમાં કામ કરવાનો છે. એ કૉમિક-થ્રિલરનુ નામ છે ‘મિસ્ટર લેલે.’ એ વિશે જણાવતાં વરુણે કહ્યું હતું કે ‘હા હું શશાંક ખૈતાનની આગામી ફિલ્મમાં કામ કરી રહ્યો છું. જોકે અન્ય કલાકારોનાં નામનો ખુલાસો હું નહીં કરું. તેમનાં નામની જાહેરાત કરણ જોહરસરને કરવા દઈશ.’