યૂઝરે દીવાળી પર સોનુ સૂદ પાસે માગ્યા ફટાકડા, અભિનેતાએ આપ્યો આ જવાબ
સોનુ સૂદ (ફાઇલ ફોટો)
બોલીવુડ અભિનેતા સોનુ સૂદ (Bollywood Actor Sonu Sood) સોશિયલ મીડિયા (Social Media) દ્વારા લોકોની મદદ અને પોતાના સામાજિક સંદેશાઓ લઇને હંમેશાં ચર્ચાઓમાં રહે છે. એવી જ એક ઘટનામાં જ્યારે યૂઝરે ટ્વીટ કરીને તેની પાસેથી ફટાકડા માગ્યા તો સોનુ સૂદે અનોખા અંદાજમાં જવાબ આપ્યો છે. તેમણે આ વખતે દીવાળી પર ફટાકડા ફોડવાને બદલે કોઇકના પરિવારની મદદ કરવાની સલાહ આપી છે.
સોનુ સૂદે ટ્વીટ કરીને કહ્યું છે કે, આ વખતે દીવાળી પર ફટાકડા નહીં કોઇકના ઘરનો ચૂલો પ્રગટાવવો જોઇએ. જો કે, ટ્વિટર યૂઝરે મિશ્રિત પ્રતિક્રિયા આપી. કેટલાક એક્ટરની આ મોહિમને પ્રોત્સાહન આપ્યું છે અને ટ્વિટર પર તેની મદદ માગનારાની લાઇન પણ લાગી છે, જો કે, કેટલાક લોકોએ મુસ્લિમ તહેવારોની વાત કરતા આને ધાર્મિક રંગ આપવાનો પ્રયત્ન પણ કર્યો છે. સોનુ સૂદ સોશિયલ મીડિયા પર ખૂબ જ એક્ટિવ રહે છે અને દેશમાં ક્યાંયથી પણ મદદની માગ આવે છે તો તે તરત પ્રતિક્રિયા આપે છે.
ADVERTISEMENT
સોનુ સૂદે લૉકડાઉન દરમિયાન હજારો પ્રવાસી મજૂરોને મદદ કરવા માટે વખાણ કર્યા હતા. તેણે હજારો પ્રવાસીઓને તેમના ઘરે પહોંચાડવા અને ઘર ચલાવવામાં મદદ કરી હતી. તેમણે શુક્રવારે ઝારખંડના એક નક્સલપ્રભાવિત ગામમાં 35 છોકરીઓે માટે સાઇકલની વ્યવસ્થા કરી હતી. ટ્વિટર પર સંતોષ ચૌહાણ નામના યૂઝરે લખ્યું હતું કે, છોકરીઓને 8થી 15 કિલોમીટર જંગલના રસ્તે જવાનું હોય છે. ફક્ત કેટલીક છોકરીઓ પાસે સાઇકલ છે. નક્સલ પ્રભાવિત ક્ષેત્ર હોવાથી ડરને કારણે તેમના પરિવારના લોકો તેમને આગળ ભણવા નથી આપતા.
इस बार सब दिवाली पटाखे जला कर नहीं किसी का चूल्हा जला कर बनाओ ? https://t.co/KQK1OoTiw2
— sonu sood (@SonuSood) October 31, 2020
સોનુ સૂદે બિહાર ચૂંટણી દરમિયાન જનતાની અપીલ કરી હતી. તેમણે લખ્યું હતું કે જે દિવસે અમારા બિહારી ભાઇઓને ઘર છોડીને બીજા રાજ્યમાં નહીં જવું પડે. જે દિવસે બીજા રાજ્યના લોકોને બિહારમાં કામ શોધવા ન આવવું પડે તે દિવસે આ દેશની જીત થશે. વોટ માટે બટન આંગળીથી નહીં, મગજથી લગાવજો.