અક્ષયકુમારની હિરોઇન બનશે કિઆરા અડવાણી
કિઆરા અડવાણી
તમિલ ફિલ્મ ‘મુની ૨: કંચના’ની હિન્દી રીમેકમાં અક્ષયકુમાર સાથે કિઆરા અડવાણીનું નામ ફાઇનલ કરવામાં આવ્યું છે. આ ફિલ્મ માટે કૅટરિના કૈફ અને સોભિતા ધુલીપલાનું નામ ચર્ચામાં હતું. જોકે બન્નેએ આ ઑફરને ઠુકરાવતાં કિઆરાને આ ફિલ્મ મળી ગઈ છે. કિઆરા ૨૦૧૮માં આવેલી વેબ-સિરીઝ ‘લસ્ટ સ્ટોરીઝ’માં જોવા મળી હતી.
આ ફિલ્મનું વર્કિંગ ટાઇટલ ‘લક્ષ્મી’ રાખવામાં આવ્યું છે. આ હૉરર-કૉમેડીનું શૂટિંગ એપ્રિલની મધ્યમાં શરૂ થાય એવી શક્યતા છે. આ ફિલ્મમાં અક્ષયકુમારને એક ટ્રાન્સજેન્ડરનો આત્મા પોતાના તાબામાં કરી લે છે. કિઆરા તેની ગર્લફ્રેન્ડના પાત્રમાં જોવા મળશે. ઓરિજિનલ ફિલ્મમાં ફીમેલ લીડનું કામ વધુ નહોતું. જોકે આ હિન્દી રીમેકમાં કિઆરાની ભૂમિકા અગત્યની રહેશે. ફિલ્મની સ્ક્રિપ્ટ પણ હિન્દી દર્શકોને ધ્યાનમાં રાખીને લખવામાં આવી છે. ‘ગુડ ન્યુઝ’ બાદ અક્ષયકુમાર સાથે કિઆરાની આ બીજી ફિલ્મ હશે.
ADVERTISEMENT
૨૦૧૧માં આવેલી ‘મુની ૨: કંચના’ના ડિરેક્ટર રાઘવેન્દ્ર લૉરેન્સ આ હિન્દી રીમેકને પણ ડિરેક્ટ કરશે. આ ફિલ્મની અન્ય ભાષાઓમાં થયેલી રીમેક ખાસ્સી સફળ થઈ છે. પ્રોડ્યુસરો શબીના ખાન અને તુષાર કપૂરે ગયા વર્ષે આ ફિલ્મના રાઇટ્સ ખરીદી લીધા હતા. આ ફિલ્મની સ્ક્રિપ્ટ પર ખાસ ધ્યાન આપવામાં આવી રહ્યું છે. ફિલ્મમાં નૉર્થ ઇન્ડિયનની ફ્લેવર દેખાડવામાં આવશે.
આ પણ વાંચો : 'તારક મહેતા કા ઉલ્ટા ચશ્મા'ના 2700 એપિસોડ પૂરા, જુઓ કલાકારોની ધમાલ મસ્તી
કિઆરા વિશે પૂછતાં શબીના ખાને કહ્યું હતું કે ‘હા, ‘કંચના’ની હિન્દી રીમેક માટે અમે કિઆરાને સાઇન કરી છે.’