મેકઅપ કરવામાં બે કલાક, ઉતારવામાં આઠ કલાક

Published: Jul 31, 2020, 22:20 IST | Agencies | Rajkot

‘ઘી સાથે સિંદૂર હતું એટલે મેકઅપ ઉતારવાની આ ૮ કલાકની પ્રોસેસમાં મારે ૬ વાર તો નાહવું પડ્યું હતું.’

રામાયણની વાત એક છે, પણ જેટલી વખત આ મહાગ્રંથ ટીવી-સિરિયલમાં પુનરાવર્તિત થયો છે ત્યારે એની પાસે સાવ નવી જ વાતો આવી છે. દંગલ ચૅનલ પર અત્યારે આવતી ‘રામાયણ’ માટે પણ એવું જ છે. આનંદ સાગરની ‘રામાયણ’માં પહેલી વખત સિંદૂરિયા હનુમાનની ગાથા કહેવામાં આવી છે. આ સિંદૂરિયા હનુમાન બનવા માટે વિક્રમ મસ્તલના શરીર પર સિંદૂર લગાડવામાં આવતું. આખા શરીરે સિંદૂર લગાડવા માટે ચાર કિલો સિંદૂર એટલા જ ઘીમાં મિક્સ કરવામાં આવતું અને વિક્રમના આખા શરીર પર ચોપડાતું. વિક્રમને મેકઅપ કરવામાં એટલે કે આ સિંદૂર લગાડવામાં બે કલાક થતા, પણ શરીરથી આ સિંદૂર દૂર કરવામાં ૮ કલાક લાગતાં વિક્રમ કહે છે, ‘ઘી સાથે સિંદૂર હતું એટલે મેકઅપ ઉતારવાની આ ૮ કલાકની પ્રોસેસમાં મારે ૬ વાર તો નાહવું પડ્યું હતું.’
સિંદૂર શરીરે લગાડ્યા પછી પણ વિક્રમ માટે કઠણાઈ હતી. એ ક્યાંય અડકી ન શકે કે પછી કોઈ જગ્યાએ બેસી ન શકે. જો બેસે કે અડે તો મેકઅપ વિખાઈ જાય. પરિણામે એવી હાલત થઈ કે સિંદૂર લગાડ્યા પછી જ્યાં સુધી શૂટ પૂરું ન થાય ત્યાં સુધી એટલે કે લગભગ ૮ કલાક સુધી વિક્રમ એકધારો ઊભો રહ્યો હતો.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK