એકતા કપૂરની વેબ-સિરીઝમાં સાયન્ટિસ્ટ બનશે સાક્ષી તન્વર

Updated: Jan 23, 2020, 16:34 IST | Mumbai

એકતા કપૂરની વેબ-સિરીઝ ‘M.O.M. - મિશન ઓવર માર્સ’માં સાક્ષી તન્વર એક સાયન્ટિસ્ટનું પાત્ર ભજવતી જોવા મળશે.

સાક્ષી તન્વર
સાક્ષી તન્વર

એકતા કપૂરની વેબ-સિરીઝ ‘M.O.M. - મિશન ઓવર માર્સ’માં સાક્ષી તન્વર એક સાયન્ટિસ્ટનું પાત્ર ભજવતી જોવા મળશે. ALT Balajiના આ શોમાં ઇન્ડિયન સ્પેસ એજન્સીની ચાર મહિલા વૈજ્ઞાનિકોના મિશનની જર્નીને દેખાડવામાં આવશે. સાક્ષી સાયન્ટિસ્ટ નંદિતાના પાત્રમાં જોવા મળશે. સાક્ષી એક આ મિશનની સ્ટ્રિક્ટ કો-ઑર્ડિનેટર છે. તે પોતાના કામને લઈને સખત તો છે જ, પરંતુ સાથે જ એક કૅ‌‌રિંગ માતા પણ છે. મોના સિંહ, નિધિ સિંહ અને પલોમી ઘોષ પણ આ શોમાં જોવા મળશે.

આ વેબ-સિરીઝ વિશે વધુ જણાવતાં સાક્ષીએ કહ્યું હતું કે ‘આ ‘M.O.M. - મિશન ઓવર માર્સ’ એક સંપૂર્ણ મહિલાપ્રધાન વેબ-સિરીઝ છે. હું ખૂબ ખુશ છું કે ALT Balajiએ મને નંદિતા હરિપ્રસાદનું પાત્ર ઑફર કર્યું જે ઇન્ડિયન સ્પેસ એજેન્સીમાં એક સિનિયર સાયન્ટિસ્ટ છે. આ વેબ-સિરીઝમાં દેખાડવામાં આવશે કે આજની મહિલા અશક્ય વસ્તુને પણ પામી શકે છે અને કોઈ પણ સ્થિતિમાં કામ કરી શકે છે.

આ પણ વાંચો : મારી લાઇટ આઇઝને કારણે મારી પાસે નેગેટિવ રોલ્સની ઑફર્સ વધુ આવે છે: માનસી શ્રીવાસ્તવ

મને આશા છે કે લોકોને આ વેબ-સિરીઝ પસંદ પડશે. સિરીઝની કાસ્ટની વાત કરું તો તેમણે સ્ટ્રૉન્ગ કૅરૅક્ટર્સ ભજવ્યાં છે અને મહિલાઓના વજૂદને પણ જાળવી રાખ્યું છે.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK