ટિકટૉક સ્ટાર વિશાલ પારેખ કરશે ડિજિટલ ડેબ્યૂ

ટિકટૉક સ્ટાર વિશાલ પારેખ કરશે ડિજિટલ ડેબ્યૂ

વિશાલ પારેખ

અત્યારે મીડિયા ઈન્ડસ્ટ્રીમાં બહુ મોટો ચેન્જ આવ્યો છે અને લોકો OTT પ્લેટફોર્મ તરફ વળી રહ્યાં હોવાથી મેકર્સ પણ OTT પ્લેટફોર્મને પ્રાધાન્ય આપી રહ્યાં છે. ઓનલાઈન સ્ટ્રીમિંગ પ્લેટફોર્મ દર અઠવાડિયે ઓરીજન્લ કે પછી વૅબ સિરીઝની જાહેરાત કરતા જ હોય છે. આ જ પાર્શ્વભૂમિ પર ર્સ્ટાસ પણ OTT પ્લેટફોર્મને પ્રાધાન્ય આપવા લાગ્યા છે. ફક્ત હિન્દી જ નહીં પણ ગુજરાતી ભાષાની વૅબ સિરીઝ અને ફિલ્મો પણ OTT પર રીલિઝ થઈ રહી છે. એક ગુજરાતી વૅબ સિરીઝ 'પ્રેમ પૂજા' પણ રીલિઝ થવા માટે તૈયાર છે. જેના દ્વારા ટિકટૉક સ્ટાર વિશાલ પારેખ કરશે OTT ડેબ્યૂ કરશે.

લવ સ્ટૉરી પર આધારિત ગુજરાતી વૅબ સિરીઝ 'પ્રેમ પૂજા' દ્વારા વિશાલ પારેખ ડિજિટલ ડેબ્યૂ કરશે. જેમાં તે કરણ ઉર્ફે પબજીની ભૂમિકા ભજવતો જોવા મળશે. તેનું કૅરેક્ટર ફની અને સાથે જ લાગણીશીલ પણ છે.

ADVERTISEMENT

વૅબ સિરીઝ 'પ્રેમ પૂજા'માં વિશાલ પારેખની સાથે મૌલિક નાયક પણ છે

વિશાલ પારેખે કારર્કિદીની શરૂઆત જુનિયર આર્ટિસ્ટ તરીકે કરી હતી. તે પ્રોફેશનલ ટ્રેઈન્ડ ડાન્સર છે. એટલું જ નહીં સોશ્યલ મીડિયા પર તેની ફૅન ફોલોઈંગ બહુ જબરજસ્ત છે. વિશાલ છેલ્લે કિંજલ દવેના ગુજરાતી આલ્બમ 'ભાઈ નો મેળ પડી ગયો'માં જોવા મળ્યો હતો.