ટાઇગર શ્રોફની 'રૅમ્બો'ને ડિરેક્ટ કરશે રોહિત ધવન
રોહિત ધવન
વરુણ ધવનનો ભાઈ રોહિત ધવન ‘રૅમ્બો’ની રીમેકમાં ટાઇગર શ્રોફ સાથે કામ કરવાનો છે. અગાઉ એવી ચર્ચા હતી કે સિદ્ધાર્થ આનંદ આ ફિલ્મને ડિરેક્ટ કરવાનો છે. જોકે હવે સિલ્વેસ્ટર સ્ટેલોનની હૉલીવુડની આ ફિલ્મની રીમેકની કમાન રોહિત ધવનને સોંપવામાં આવી છે. જોકે સિદ્ધાર્થ ફિલ્મના ક્રીએટિવ ડેવલપમેન્ટ પર ધ્યાન આપશે અને એના માટે તેને ક્રેડિટ પણ આપવામાં આવશે. આ રીમેકની સ્ક્રિપ્ટ પર કામ શરૂ કરવામાં આવ્યું છે. જોકે આ ફિલ્મના શૂટિંગને હજી સમય લાગશે, કારણ કે રોહિત ધવન હાલમાં અલ્લુ અર્જુનની ફિલ્મની રીમેક પર કાર્તિક આર્યન સાથે કામ કરી રહ્યો છે. આ ફિલ્મમાં ભારે ભરખમ ઍક્શન સીક્વન્સ જોવા મળશે. 2021ના અંતમાં ફિલ્મ રિલીઝ કરવામાં આવશે એવી ચર્ચા છે.