ગણપતમાં ઍક્શન મોડમાં જોવા મળશે ટાઇગર શ્રોફ

Published: 6th November, 2020 17:45 IST | Mumbai Correspondent | Mumbai

હું પહેલી વાર જૅકી અને વિકાસ સાથે કામ કરી રહ્યો છું અને એ માટે હું ખૂબ જ ઉત્સાહિત પણ છું.

ગણપતમાં ઍક્શન મોડમાં જોવા મળશે ટાઇગર શ્રોફ
ગણપતમાં ઍક્શન મોડમાં જોવા મળશે ટાઇગર શ્રોફ

પૂજા એન્ટરટેઇનમેન્ટ અને ગુડ કંપનીના પ્રોડક્શન-હાઉસ હેઠળ બની રહેલી ઍક્શન ફિલ્મ ‘ગણપત - પાર્ટ ૧’માં ટાઇગર શ્રોફ જોવા મળશે. જૅકી ભગનાણી દ્વારા પ્રોડ્યુસ કરવામાં આવી રહેલી આ ફિલ્મને વિકાસ બહલ ડિરેક્ટ કરશે. આ ફિલ્મને એકથી વધુ પાર્ટમાં બનાવવામાં આવશે. આ ફિલ્મમાં કોરોના વાઇરસ બાદના એરાને અલગ જ રીતે દેખાડવામાં આવશે. આ ફિલ્મનું ટીઝર હાલમાં જ રિલીઝ કરવામાં આવ્યું છે જેમાં ટાઇગર ડાયલૉગ બોલે છે કે ‘જબ અપન ડરતા હૈ ના તબ અરન બહોત મારતા હૈ.’ આ ફિલ્મ વિશે ટાઇગર શ્રોફે કહ્યું હતું કે ‘મેં અત્યાર સુધીને જે પણ ફિલ્મો કરી છે એના કરતાં આ મારા માટે એકદમ અલગ ફિલ્મ છે અને એનું કારણ આ પાત્ર છે. વિકાસ અને જૅકી સાથે ઘણી વાતચીત બાદ સ્ક્રિપ્ટ અને એનો સ્કેલ ખૂબ જ અદ્ભુત લાગી રહ્યો છે. આ ફિલ્મની હું રાહ જોઈ રહ્યો છું. હું પહેલી વાર જૅકી અને વિકાસ સાથે કામ કરી રહ્યો છું અને એ માટે હું ખૂબ જ ઉત્સાહિત પણ છું.’
જૅકી ભગનાણીની અક્ષયકુમાર સાથે ‘બેલ બૉટમ’ પણ આવી રહી છે. આ નવી ફિલ્મ વિશે જૅકીએ કહ્યું હતું કે ‘હું ટાઇગરને એક ગ્લોબલ સ્ટાર તરીકે જોઉં છું. તેનામાં ખૂબ જ ટૅલન્ટ છે અને તેની આ અનોખી ટૅલન્ટ જ તેને લોકો કરતાં અલગ બનાવે છે. તેની ઍક્શનમાં એક ઇન્ટરનૅશનલ ફ્લેવર હોય છે જેથી દરેક દેશના દર્શકોને એ પસંદ પડે છે. મને ખાતરી છે કે વિકાસ અને ટાઇગરનું કૉમ્બિનેશન એક અલગ જ પ્રકારની ઍક્શન લઈને આવશે.’
આ ફિલ્મનું શૂટિંગ 2021ના મધ્યમાં શરૂ કરવામાં આવશે. એટલે કે ટાઇગર તેની ‘હીરોપંતી 2’ અને ‘બાગી 4’નું શૂટિંગ પૂરું કરે ત્યાર બાદ આ ફિલ્મનું શૂટિંગ શરૂ કરવામાં આવશે. આ ફિલ્મને ડિરેક્ટ કરનાર વિકાસ બહલે કહ્યું હતું કે ‘ટાઇગર સાથે કામ કરવા માટે હું ખૂબ જ આતુર છું. આ એક ફ્યુચરિસ્ટિક વર્લ્ડની સ્ક્રિપ્ટ છે અને એથી એના સ્કેલની ફિલ્મ બનાવવી ખૂબ જ ચૅલેન્જિંગ છે. જોકે ટાઇગર અને જૅકી જેવા પાર્ટનરને કારણે અમે આ ફિલ્મને એક નવી ઊંચાઈએ પહોંચાડી દઈશું.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK