મારી ઇચ્છા છે કે જૅકી શ્રોફ ટાઇગરના પિતા તરીકે ઓળખાય: ટાઇગર શ્રોફ

મારી ઇચ્છા છે કે જૅકી શ્રોફ ટાઇગરના પિતા તરીકે ઓળખાય: ટાઇગર શ્રોફ

જૅકી શ્રોફ - ટાઇગર શ્રોફ

ટાઇગર શ્રોફ કહે છે કે મારી ઇચ્છા એવી છે કે લોકો તેના ડૅડી જૅકી શ્રોફને તેના નામથી ઓળખે. તેનું એમ પણ કહેવું છે કે એ માટે તે સખત મહેનત કરવામાં પાછીપાની નહીં કરે. તેની હાલમાં જ ‘સ્ટુડન્ટ ઑફ ધ યર 2’ રિલીઝ થઈ હતી. પોતાની એક અલગ ઓળખ બનાવવી એ તેને માટે એક પડકાર છે. આ વિશે વધુ જણાવતાં ટાઇગરે કહ્યું હતું કે ‘હું મારા પપ્પાની હાજરી અને ઇન્ડસ્ટ્રીમાં તેમની અસરને લઈને હંમેશાં સજાગ રહ્યો છું. એથી મારા માટે મારી પોતાની અલગ ઓળખ બનાવવી એ એક ચૅલેન્જ રહી છે. જોકે હું એમ કહી શકું છું કે મારી જાતને સાબિત કરવામાં હું સફળ રહ્યો છું. મારા પિતાના નામનો ઉપયોગ કર્યા વગર મેં મારી જાતે મારી ઓળખ બનાવી છે.

આ પણ વાંચો : ઑગસ્ટમાં ત્રણ સિંગલ સૉન્ગ લઈને આવી રહી છે તુલસી કુમાર

ADVERTISEMENT

હું એમ નથી માનતો કે હું જૅકી શ્રોફનો દીકરો છું એટલે દર્શકોએ મને સ્વીકાર્યો છે. મને ઘણા સમય પહેલાં જ લોકોએ સ્વીકાર્યો હતો. હું સતત એમ પણ કહેતો રહ્યો છું કે જૅકી શ્રોફનો દીકરો હોવાનો મને ગર્વ છે. મારું લક્ષ્ય છે કે મારા ડૅડીને લોકો ‘ટાઇગર શ્રોફના ડૅડી’ તરીકે ઓળખે. જે દિવસે હું મારા આ લક્ષ્યને પૂરું કરવામાં સફળ રહીશ એ દિવસે મને સંતોષ થશે.’