થૅન્ક યુ દાદી

Published: Jun 24, 2020, 21:38 IST | Rashmin Shah | Mumbai

હૉસ્પિટલથી આવ્યા પછી પહેલું કામ કપિલ શમાર્ના કૉમેડી શો જોવાનું કરતાં દાદીને જોઈને કપિલની આંખમાં પાણી આવી ગયાં

કૉમેડિયન કપિલ શર્માના શો ‘ધી કપિલ શર્મા શો’ના ફૅન્સનો તોટો નથી, પણ અમુક-અમુક ફૅન્સ એવા છે જે કપિલ શર્માની છાતી ગદ્ગદ ફુલાવી દે છે. આવા જ એક ફૅન સાથે કપિલનો હમણાં ટ્વિટર પર ભેટો થયો. બન્યું એવું કે પોતાની દાદીનો ફોટો પોસ્ટ કરીને પૌત્રએ આખી કથા લખી. પૌત્રના કહેવા મુજબ હૉસ્પિટલમાંથી ડિસ્ચાર્જ મેળવીને ઘરે આવેલી દાદીને બીજું કશું કરવું નહોતું, કપિલ શર્માનો શો જોવો હતો. કપિલનો શો જોયા પછી પહેલી વાર અમે દાદીના ચહેરા પર સ્માઇલ જોયું, થૅન્ક યુ કપિલ.

ટ્વિટર વાંચીને કપિલની આંખમાં પાણી આવી ગયાં, કપિલ સ્પીચલેસ થઈ ગયો. કપિલ શર્માએ ટ્વિટરનો રિપ્લાય પણ કર્યો અને સાથોસાથ તેણે દાદીના ખબરઅંતર પણ પૂછ્યા, એ પછી પણ કપિલની આંખો પેલા ફોટો પરથી જરાય હટતી નહોતી. કપિલ શર્માની એરોગન્સીની વાતો આખી ઇન્ડસ્ટ્રી કરે છે, શૉર્ટ ટેમ્પર હોવાનું પણ બધા કહે છે, એમ છતાં આ જ કપિલ શર્મા પોતાના પ્રત્યેનો દાદીનો પ્રેમ જોઈને ખરેખર એવો તો ખુશ થઈ ગયો કે તેણે પેલા છોકરાને પર્સનલમાં મેસેજ કરીને દાદીની સાથે વાત કરવાની ઇચ્છા પણ વ્યક્ત કરી.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK