Alt બાલાજીના કોડ Mની બીજી સીઝન પણ આવશે
કોડ M
Alt બાલાજી અને ઝીફાઇવ સિરીઝ ‘કોડ M’ હિટ શો સાબિત થયો છે ત્યારે એકતા કપૂરે તેની બીજી સીઝનની જાહેરાત કરી છે. અક્ષય ચૌબે નિર્દેશિત આ મિલિટરી ડ્રામાનો કન્સેપ્ટ દર્શકોને પસંદ આવ્યો છે. અક્ષય ચૌબે ‘ઓયે લકી! લકી ઓયે!’ અને ‘કૅશ’ જેવી ફિલ્મોના અસિસ્ટન્ટ ડિરેક્ટર રહી ચૂક્યા છે.
‘કોડ M’માં જેનિફર વિન્ગેટ (સરસ્વતીચંદ્ર, બેહદ), તનુજ વીરવાણી (ઇનસાઇડ એજ), રજત કપૂર (ભેજા ફ્રાય, મૉન્સૂન વેડિંગ), સીમા બિસ્વાસ (બેન્ડિટ ક્વીન) વગેરે કલાકારો છે. શોની વાર્તા ઇન્ડિયન આર્મી લૉયર મોનિકા મહેરા (જેનિફર) આસપાસ ફરે છે જેને એક મિલિટરી એન્કાઉન્ટર કેસની તપાસ કરતી વખતે કોઈ ષડ્યંત્ર વિશે ખબર પડે છે. આ ઇન્વેસ્ટિગેશન બાદ કેટલાક ચોંકાવનારા ખુલાસા થાય છે જેનાથી આખી ઇન્ડિયન આર્મી હચમચી જાય છે.
ADVERTISEMENT
એકતા કપૂરે બીજી સીઝનની જાહેરાત કરતાં જણાવ્યું કે ‘કોડ M’ને મળેલા રિસ્પૉન્સને લીધે હું બહુ રોમાંચિત છું અને બીજી સીઝનમાં આ શોની ઇન્ટેન્સિટી-થ્રિલ વધશે એની ખાતરી આપું છું.
