સોનાક્ષી જ્યાં જાય ત્યાં પહોંચી જાય છે અર્જુન

Published: 3rd November, 2014 03:26 IST

‘તેવર’ની જોડી અર્જુન કપૂર અને સોનાક્ષી સિંહા વચ્ચે જે દોસ્તી જોવા મળે છે એ આજકાલ બૉલીવુડમાં ચર્ચાનો વિષય બની છે. બન્ને સાથે ફિલ્મો જોવા જતાં અને પાર્ટીઓ એન્જૉય કરતાં જોવા મળ્યાં છે. વળી તેઓ સાથે તુર્કીની ટ્રિપ કરી આવ્યાં હોવાનું પણ કહેવાય છે.




તાજેતરમાં સોનાક્ષી તેની ફિલ્મ ‘ઍક્શન જૅક્સન’ના પ્રમોશન માટે ‘કૌન બનેગા કરોડપતિ’ના શૂટિંગમાં સામેલ થઈ હતી. એ વખતે અર્જુન કપૂર તેને મળવા ત્યાં પહોંચી ગયો હતો. ‘ઍક્શન જૅક્સન’નો કો-સ્ટાર અજય દેવગન અને ડિરેક્ટર પ્રભુ દેવા તેની સાથે હતા.

એ શૂટિંગ વખતે બનેલી ઘટના વિશે એક સૂત્રે જણાવ્યું હતું કે ‘સોનાક્ષી મેક-અપ રૂમમાં હતી અને શૂટિંગ માટે તૈયાર થતી હતી. એ વખતે અચાનક જ અર્જુન ટપકી પડ્યો હતો. એ પછી છેક શૂટિંગ માટે કૅમેરા રોલ થવા માંડ્યો ત્યાર સુધી બન્ને વાતો કરતાં રહ્યાં હતાં.’

સોનાક્ષી સાથેની આ મુલાકાત બાબતે અર્જુન કહે છે કે ‘તેનું શૂટિંગ યશરાજ ફિલ્મ્સના સ્ટુડિયોમાં ચાલતું હતું અને હું ત્યાં જ ‘તેવર’ માટે ડબિંગ કરતો હતો. એ દરમ્યાન હું ડિરેક્ટર અમિત શર્મા સાથે સ્ટુડિયોની ઑડિયો-વિન્ગમાંથી બહાર આવ્યો હતો.’

ગયા વર્ષે ફિલ્મ ‘ર... રાજકુમાર’ની રિલીઝ વખતે સોનાક્ષી કો-સ્ટાર શાહિદ કપૂર સાથે ડેટિંગ કરતી હોવાનું ચર્ચાતું હતું, પરંતુ એ ચર્ચા થોડા વખતમાં ભુલાઈ ગઈ હતી. બીજી બાજુ અર્જુનનું નામ તેની અગાઉની કો-સ્ટાર આલિયા ભટ્ટ સાથે જોડવામાં આવ્યું હતું, પરંતુ જેવું ‘તેવર’નું શૂટિંગ શરૂ થયું કે તરત જ સોનાક્ષી અને અર્જુનની દોસ્તીની વાતો શરૂ થઈ  હતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK