રાક્ષસનું નવું નામ રુદ્રવીર

અર્જુન રામપાલ ‘ધાકડ’માં ખૂબ જ આક્રમક વિલન રુદ્રવીરના રૂપમાં જોવા મળવાનો છે. કંગના રનોટ આ ફિલ્મમાં એજન્ટ અગ્નિની ભૂમિકામાં છે તો દિવ્યા દત્તા પણ ઉગ્ર દેખાવાની છે. આ ફિલ્મ 1 ઑક્ટોબરે રિલીઝ થવાની છે. પોતાનો વિલન અવતાર ટ્વિટર પર શૅર કરીને અર્જુને ટ્વીટ કર્યું હતું કે ‘બુમ. રાક્ષસનું નવું નામ છે રુદ્રવીર. તે ખૂબ જ ખતરનાક, મારક અને સાથે જ કૂલ પણ છે. 2021ની 1 ઑક્ટોબરે આ ફિલ્મ રિલીઝ થવાની છે.’