સ્ટાર પ્લસના શો કહાં હમ કહાં તુમના પણ છેલ્લા દિવસો આવી ગયા!

Published: Feb 20, 2020, 17:02 IST | Mumbai Desk

ડૉક્ટર પતિ અને અભિનેત્રી પત્નીની જિંદગીના ચડાવ-ઉતાર રજૂ કરતી આ સિરિયલમાં દીપિકા કક્કર અને કરણ ગ્રોવર લીડ રોલમાં છે

સ્ટાર પ્લસનો પૉપ્યુલર શો ‘કહાં હમ કહાં તુમ’ આવતા મહિને બંધ થવા જઈ રહ્યો છે. આ શોમાં પ્રખ્યાત ટીવી-ઍક્ટ્રેસ સોનાક્ષી અને ડૉક્ટર રોહિતના સંબંધની વાત છે. એકબીજાથી બિલકુલ જુદી દુનિયા ધરાવતા આ કપલની જિંદગીમાં આવતા ચડાવ-ઉતારની વાર્તા લોકોને ગમી હતી. લીડ રોલમાં દીપિકા કક્કર (સોનાક્ષી રસ્તોગી) અને કરણ વી. ગ્રોવર (ડૉ. રોહિત સિપ્પી)ની કેમિસ્ટ્રી પણ ચાહકોને ગમી હતી અને ટીઆરપીમાં આ શો સારા સ્કેલ પર હોવા છતાં મેકર્સે એને બંધ કરવાનો નિર્ણય લીધો છે.
સંદીપ સિકંદ-વીણા સિકંદ નિર્મિત ‘કહાં હમ કહાં તુમ’ જૂન ૨૦૧૯માં શરૂ થયો હતો અને હવે ૧૪મી માર્ચના આ શોનો છેલ્લો એપિસોડ પ્રસારિત થશે. આ શોના નરેટર તરીકે સૈફ અલી ખાન જોવા મળ્યો હતો. દીપિકા કક્કર ઇબ્રાહિમ અને કરણ વી. ગ્રોવર ઉપરાંત આશિષ નાયર, મોહિની કેવલરામાણી, અનાહિતા, શાલિની કપૂર વગેરે મહત્ત્વના રોલમાં છે. આ શોની વાર્તા અભિનેત્રી માધુરી દીક્ષિત અને ડૉ. શ્રીરામ નેનેની લાઇફથી પ્રેરિત છે એમ કહેવાય છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK